Metiu 1:22 - Nyindrou

²² Lakou mari doh asahan ta amekes amwenen sahou ta Kindrei iy ndrasehek ndrala tiri propet asahan ili handru:

Metiu 1:22 Referans Kwoze

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Metiu 2:23

Eme ma iy ili manyah udu kon ari aloh Nasaret. Ya sahou dah asahan ma amwenen le i buku le iri propet ndrasihidiy: “Idah kameh iri aloh iy lau badu Nasaret.”

Aposel 3:18

Arile, sahou mene Kindrei atehei i kani iri propet mari asehek badeh, i buku doh: Krais kameh bwese isi. Ma na kandriyen aha amekes i tan, Kindrei bwidi sahou tiri propet tan i handru.

Tarou ta Jon 18:9

Iy asehek iri sahou nane doh, eme ta iri lakou iy nane ndrasehek idah kameh marakon asahan handru: “Tama, oro lau marakon ou mene atehei oro ame bahandra tondrok tek, ari toro bamai bwe.”

Metiu 13:35

Na kandriyen doh, Jises mesekei eme handru sahou randra propet ndratiye in bolo buk ndrabun. Iy tiye i buku doh, “Jo kameh asehek sahou sokek ewek taha, ma jo kameh asehek kundruh ta iri lakou solo-an bwena mene aton, kala munyak asahan, eme isos na len dah.” Wari 78:2

Tarou ta Jon 17:12

Len jo udu ndra hawe oro, jo atondrok oro udu mwasin labai, are bahandra boto-on ta nyaram, ou mene tondrohon jo. Jo turuki oro na aliy, eme oro mari are mwasin. Iy ari le toro kameh amai iu mara-ei. Idah kameh iri sahou marakon udu bolo buk ndrabun asahan eme lewan handru.

Tarou ta Jon 15:25

Kandriyen nane iri amekes eme asahan, ta sahou ndratorowenei udu bolo kandriyen malen tiri kameh asahan handru. Sahou i buku doh, ‘Iri baso-ok jo bwe, idoh ari katin bwe.’ Wari 35:19; 69:4

Tarou ta Jon 10:35

Bwena mene Kindrei asehek sahou dah ili tiri lau, iy tiye tiri ta iri ndra kindrei. Aha ndranuhun, sahou udu bolo buk ndrabun ta Kindrei kameh udu le buku doh, winiyan bano bwe.

Metiu 13:21

Arile buwa wit doh kandron aliy bwe, ya i bareu luwen bwe. Ya i buku none ndrine sen asahan deh bwe-em ndra-i asahan, tasah ta sahou ta Kindrei, ya idah kameh, suwi suwi iri taku.

Metiu 12:17

Iy mesekei lakou doh in hamon ta sahou randra Kindrei mene tiye ta propet nyaran Aisaya. Iy mene torowenei i buku doh,

Metiu 2:15

Iy udu gwek winiya le kabin Herot imek, ma idah mesekei sahou asahan handru ma amwenen le i buku Laban ndrasihidiy i ta propet: “Jo aloh naduk eme len ta Ijip.” Hoseya 11:1

Metiu 8:17

Idoh ta amekes sahou ta propet Aisaya ndrasihidiy, asahan handru: “Iy amwenen bwese-ei sik tataha ma iy andrei sik ndra-in tataha iu i len.” Aisaya 53:4

Metiu 5:17

Jises asehek ili le i buku doh, “Ya ado sabudon sala buku doh, anya jo eme dah ta akeh batanau malen, ma iri propet au, bwe; jo eme dah ta atikah oro au bwe, jo eme dah ta amekes batanau malen abadok ma amekes sahou tiri propet ta Kindrei kabadok ma i handru.

Tarou ta Luk 21:22

Tasah, idoh badeh, len ta adeu maha-an i hamon, amwenen le ta sahou ta Kindrei mene ndratorowenei.

Rebelesen 17:17

Iri lakou doh kameh asahan, tasah Kindrei le amwenen badeh, edeu iri budon doh ili tiri kabin, ta amekes iri lakou marakon doh kasahan, in hamon ta iri lakou iy ndrasehek ta aliy. Ya, budon tiri mari kameh randra le, ma boto-on nane iri akohok ta asahan kabin, iri kameh atehei marakon doh ili ta nyabwe munyak. Iri kameh amekes ili le buku don ai, ili, ili winiya le len ta lakou mari nane Kindrei ndrasehek ta aliy asahan.

La-ukei ta Pol atorou ili tiri lau badu kon Rom 1:2

Sahou mwasin doh bwena mene iy tandrakan, ma atehei i kani iri propet, ma torowenei udu bolo tarou tan.