Metiu 1:21 - Nyindrou

²¹ Iy kameh tuwi nah mwan, ya ou kameh tondrohani nyaran Jises, tasah iy kameh sebenei iri lau ta karei ma lomondra ndra-in.”

Metiu 1:21 Referans Kwoze

Aposel 13:23

Edek ta lundriyen kameh, Kindrei atehei ndramak ari ta seben iri Isra-el, nyaran Jises. I buku mene iy ndratandrakan ta aliy.

Aposel 4:12

Taha badeh, winiyan batakalahei ari seben bare ta ari lau ja bwe; tasah ari lau udu baha kandrah ja kada-ah atehei iy ki nyara seben tataha bwe.”

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

1 Jon 3:5

Aha ndratanan, Krais eme kon munyak dah badeh, ta sikine kandriyen ma lomondra ndra-in tataha marakon iu. Ya, Jises ndrasikine taha, arile iy badeh, ari kandriyen ndra-in bwe.

Tarou ta Luk 2:21

Eme ya len tan asahan ndru la-uh, idoh len ta asan ku-in. Ano uru tondrohani nyaran i Jises, nyaran mene le, angelo tiye, na len doh mene, nah bare ta Mariya bwe le.

Aposel 5:31

Kindrei eme tutuni iy ere loken udu loboho limen salin, ma iy asahan kabin ma ndramak ta seben. Ma iy badeh, leheya madasan ta ado winiyan tubuni ndrine ado, ma iy winiyan sikine karei ma lomondra ndra-in tiri Isra-el.

Tarou ta Luk 1:31

Idah kameh, ou tuwi nah mwan ari ere ndrinem, eme ou tondrohani nyaran ki Jises.

Taitus 2:14

Iy le badeh, atehei iy imek i saluwe taha ta akunoh taha ta lakou ndra-in taha amekes, ma sikinei taha amwenen mara-ei, ma mesekei taha asahan lau tan handru, ma mesekei taha anya kamekes kandriyen mwasin le.

Tarou ta Luk 2:11

Na len dah, udu kon tinan ta Debit, nah ari ta seben ado ndrasahan. Iy badeh, Laban Krais!

1 Jon 1:7

Arile, buku taha adek bolo lomada sun, i buku le iy, taha badeh, katukum ma ndrine taha kamwenen ta nadu tine taha iri rayah ja, ma ndraye Nadu Kindrei, Jises Krais kameh sikinei kandriyen ndra-in tataha mara-ei iu.

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

Rebelesen 7:14

Jo eme tiye i tan i buku doh, “Ndramak tinan tek, ou amwenen badeh, tanam iri, jo bwe.” Ma iy asehek eme tek i buku doh, “Iri lau mwan ma badih mara-ei kede-eh mene ado bolo maha-an hawe sisi-in ame len, ma iri amak udu mine iri lau ndra-in ta bahun. Iri badeh, atehei iri budon tiri mara-ei in ta Jises le ari, ma iri akohok boto-on ta ndraye Nadu Sipsip ta amekes bahun hawe kandriyen ndra-in. Idoh i buku iri sikine awin tiri na ndrayen, ma asahan belen mara-ei.

Hiburu 7:25

Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Jenesis 18:10

Ano Laban anya eh, “Jo kameh eme ja, na bolo jaha eme, ma udum Sara kameh nah udu ndrinen.” Ya Sara badeh udu mada san ta asiu balei udu konan.

Tarou ta Luk 1:13

Arile angelo dah tiye i tan, “Sekaraya, ou sanoh. Kindrei ndranuhun salom tam, udum kameh atehei nah mwan ari. Eme ou tondrohani nyaran ki Jon.

Jenesis 17:19

Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.

Jenesis 17:21

Arile jo kameh bamani sahou randra le hawe nadum Aisik bwe. I dah kameh adeu iy na jaha eme.”

Metiu 1:25

Arile, iy bamadin hawe udun bwe winiya len ta Mariya atehei nadun mwan. Eme ya Josep tondrohani nyaran Jises.

Tarou ta Jon 4:42

Iri ame tiye sahou i ta butuhu Samariya i buku doh, “Ma bwena badeh, ahi atehei budon tahi ili le ta Jises, tasah ou ame asehek tahi. Arile, na dah ja badeh, ahi ndratehei budon tahi ndrala tan, tasah ahi ndranuhun udu ndranye ahi amwenen. Ahi ndratanan, iy ndramak kede-eh, iy kameh akohok taha lau marakon badu kon munyak ame hamon.”