Metiu 1:16 - Nyindrou

¹⁶ Jekop atehei Josep, Josep udu Mariya, ya Mariya tuwi Jises, aloh iy Krais; Kindrei suni iy eme ta akohok iri lau tan ame hamon.

Metiu 1:16 Referans Kwoze

Metiu 27:17

Iri lau tukumwi iri, ma Pailat ndremenya iri anya, “Aha aso-ok are lau jo karuwaniy kewek mine aha? Barabas deh Jises, iri asehek anya iy Krais, Kindrei suni iy eme.”

Tarou ta Jon 4:25

Badih badu Samariya asehek i ta Jises ja i buku doh, “Jo tanan, idah kameh Mesaya eme, iri aloh iy Krais. Buku iy eme kameh iy barasehek lakou marakon barame tataha.”

Tarou ta Luk 3:23

Ano Jises jaha tan ndra buku none tonoh (30), iy amekes lahou tan eme len. Eme iri lau mari abudon anya tama Jises badeh, Josep. Arile, tinen badeh, edek ndrine Heli,

Metiu 27:22

Eme Pailat ndremenya iri, “Ya jo kamekes sasah ki ta Jises iri aloh Krais?” Iri mari anya, “Katahi iy ki bada kei tondreh!”

Tarou ta Luk 4:22

Eme oro asehek anya, iy ndramak mwasin labai. Ya, mani oro atur, ma oro lomondra solo-an labai ta sahou mwasin iy asehek. Ya eme oro anya, “Iy kede-eh nadu Josep labai, neh?”

Tarou ta Luk 2:48

Eme ya taman uru tinen atou, boho uru asak. Eme tinen tiye i tan, “Naduk, ou amekes saba kandriyen eme taru dah? Aru tamam badeh, bale aru asin ou, ya eme aru ame takaleh ou dah.”

Tarou ta Luk 2:7

Eme uru ala, iy atehei nadun udu bolo asiu tiri bulumakau. Iy mwan, su-i iy na kolau, ma nyahani iy udu bolo bwekei ta ndrahu nyamon tiri bulumakau, tasah oro badeh, ari asiu ta ala aliy bwe.

Tarou ta Luk 1:27

Iy anya katiye sahou ta tandrakan ari, anya ki ta badih ari bakohok mwan bwe le, san tan ndra ta ndramak ari nyaran Josep. Ya Josep doh, badu boho kamen ta kabin Debit oro. Ya nyara badih doh, Mariya.

Tarou ta Mak 6:3

Taha tana taha, iy ndramak kede-eh ta atah asiu, ma iy nadu Mariya, nadu tine Jemis, Joses, Judas hawe Saimon, ya nadu tinen oro badih, are hawe to kada-ah, neh?” Oro asehek i buku doh, ma oro atehei kona oro i tan.

Metiu 2:13

Udu bada len oro anya ka-au le badeh, angelo ta Kindrei ari eme tiye ta Josep udu bolo ameh na ben. Iy tiye i buku doh, “Ou amak! Ou andrei iy nah hawe tinen, ma ado katobwak ka-au kala Ijip. Ado kado gwek winiya jo le baratiye ou, tasah Herot kameh asilah iy nah dah ta idi iy kimek.”

Metiu 1:15

Eliyut atehei Eliyesa, Eliyesa atehei Matan, Matan atehei Jekop,

Metiu 16:16

Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”

Metiu 16:20

Eme Jises batanau oro lau tan boto-on labai i buku doh, “Ado sasehek nyala lakou dah sala ta ari ndramak, anya jo badeh, Krais, ndri-iy.”