Metiu 1:1 - Nyindrou

¹ Idah nyara tubu Jises Krais, nadu Debit, iy ale nadu Abraham.

Metiu 1:1 Referans Kwoze

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”

Galesiya 3:16

Eme ma, udu bolo buk ndrabun, Kindrei amekes i buku le aliy. Iy amekes iri tandrakan i ta Abraham hawe lundriyen oro. Sahou ta Kindrei batiye anya “toro lundriyem solo-an,” bwe. Badeh tiye, “i ta lundriyem ari” le. Jenesis 12:7; 13:15; 24:7 Ya iy doh badeh, Krais.

La-ukei ta Pol atorou ili tiri lau badu kon Rom 1:3

Sahou mwasin doh badeh, ta nyala nadun, ya iy badeh, saren tiye iy asahan ta lundriye tubun Debit.

Rebelesen 22:16

“Jo Jises, jo mene tiye angelo tek amwenen ewek bolo aha ta asehek nyala iri lakou marakon doh i taha lau ta Kindrei. Jo badeh, i buku nyabun asahan boho kamen ta Debit. Ya, lomadak badeh, anya i buku lomada ndrau ta boho len.”

Tarou ta Jon 7:42

Buk ndrabun ndrasehek, Mesaya kameh asahan boho kamen ta Debit. Ma buk ndrabun asehek ale ta Mesaya kameh asahan Betlehem kon tinan ta Debit bwena mene udu aliy.”

Jenesis 12:3

Jo kameh nyosowani are aseken ou. Arile jo kameh edeu isi i tare lau aten ou. Na ou le kameh jo kameh edeu nyosowan i lau kon rakon rakon buruwen.”

Aposel 2:30

Iy badeh, propet ya iy tanan tandrakan ta Kindrei mene tandrakan iy. Kindrei badeh, tandrakan ta lundriyen oro ari kameh asahan kabin, i buku le iy amwenen.

Metiu 1:18

Idah sare Jises Krais eme asahan. Tinen Mariya san tan ta tasou ili ta Josep, arile bwena turu, uru bala tasou bwe le, Mariya badeh ndratanan iy kameh tuwi nah ari na boto-on ta Malawin Ndrabun.

La-ukei ta Pol atorou ili tiri lau badu kon Rom 9:5

Udu ndra bada tubu iri, sare iri edek eme eme taku bada Krais asahan awas. Iy badeh, Kindrei ma iy udu bwele-e lakou mari. Masiye ma tudun ki tan kudu le buku doh. Handru.

La-ukei ta Pol atorou ili tiri lau badu kon Rom 4:13

Kindrei tandrakan Abraham ta kon munyak mari kameh i tan, ma i ta lundriyen oro. Arile Kindrei tandrakan Abraham oro badeh, bala san ta oro a-en hamon ta batanau malen, bwe. Iy tandrakan oro kameh akohok munyak mari, tasah Abraham atehei budon tan mara-ei in tan, eme ma Kindrei aloh iy ndramak mwasin mara-ei ta madan.

Metiu 15:22

Badih ari badu kon Kenan iy ereu mirihik ta kon tinan Tair hawe Saidon, iy eme ma iy aloh i buku doh, “Laban, ou nadu Debit, ou tikisi jo. Malawin ndra-in ndrabwidi naduk badih ndrandra-i labai.”

Metiu 9:27

Jises ruwani kon nane, ma iy edek ili, ma uru lau la-uh mada uru bwe adek an hamon tan, ma uru aloh i tan anya, “O nadu tubu kabin Debit, ou tikisi aru!”

Jenesis 2:4

Eme ya i dah nyala lakou mari badu munyak asahan i buku sah. Na len Laban Kindrei mwesekei kon munyak mari,

Metiu 3:16

Jon ta alomwa anyuwi Jises le badeh, ma Jises eme loken ta gwa Jodan ma nawin bwe kandrah asak, ma iy atou Malawin Mwasin ta Kindrei atah i buku ban eme andri amwenen le bwele-en ma manyah udu bwele-en.

Jenesis 5:1

Ya i dah sare Adam oro ai. Len Kindrei mwesekei lau awas badeh, iy mwesekei konen i le buku iy.

Metiu 1:2

Udu bada Abraham eme isos bada kabin Debit, kane tubun oro mari ndratorowenei: Abraham atehei Aisik, Aisik atehei Jekop, Jekop atehei Juda hawe nadu tinen oro mari.

Tarou ta Luk 1:33

ma idah kameh iy asahan kabin ta atondrok lundriye Jekop oro, udu le buku doh; ma tondrok tan kameh winiyan bano bwe!”

1 Timoti 2:5

Tasah, Kindrei badeh, iy Kindrei le ari, ma hawe ndramak awas ari le udu ndrokowa Kindrei hawe taha ndramak, badeh Krais Jises le.

2 Timoti 2:8

Len marakon jo aso-ok ou bwetenei gok ta Jises Krais mene amekes, ma idoh winiyan aseben ou ales boto-on, ma bwese iri maha-an. Jises badeh, badu boho kamen hawe kabin Debit, ma iy banoh ta bwese iri maha-an bwe. Iy mene imek, ano Kindrei mete-ei iy eme awas ja. Iri sahou mwasin dah, jo ndrasehek ndrala tiri lau.