Kolosi 1:3 - Nyindrou

³ Udu bolo salom taru na len marakon badeh, aru asolom aha ma adeu wurah i ta Kindrei, iy tama Laban tataha Jises Krais.

Kolosi 1:3 Referans Kwoze

1 Tesalonaika 1:2

Len mari aso ma taloh adeu wurah i ta Kindrei ta aha, ma aso asolom ili ta tama taha Kindrei, badeh aso aloh nyara aha len marakon udu bolo salom taso.

2 Timoti 1:3

Bwena mene, tubu oro badeh, a-en hamon ta kandriyen ta Kindrei ma atudun nyaran. Eme ma, jo ale ki-in hamon tan ta ndrinek, jo atona kandriyen jo in hamon ta aliy doh ta amekes gok tan, idoh amwenen handru. Na len dah badeh, jo abudon ou, ma jo edeu wurah i ta Kindrei, tasah ou badeh, atehei budon tam handru in tan, ma ou a-en hamon ta kandriyen tan.

Kolosi 1:9

Ya, ahi ndranuhun sahou dah, ta aha atehei budon taha handru, ma aso-ok labai iri mwan ma badih ta Kindrei. Eme ma, ahi anuhun le badeh, eme na le liliy, ahi asolom ta aseben aha. Ahi baruwani kandriyen ta salom bwe. Ahi badeh asolom, ta Kindrei kaseben aha, ma aha winiyan atanan ta kandriyen iy amwenen aso-ok aha ka-en hamon ta aliy. Ma Malawin Ndrabun tan kameh winiyan edeu taha iri tanan, ma budon mwasin. Ma idoh winiyan idih handru udu bolo aha.

1 Korin 1:4

Len marakon jo edeu wurah ili ta Kindrei, iy mene amekes kandriyen mwasin ta tikisiy ewek taha, tasah aha lau ta Jises Krais.

Kolosi 1:13

Ma iy ndratolowei taha are mine balik ndrame len, ma iy ndratehei taha ndrala bahandra tondrok ta nadun Jises Krais, iy aso-ok iy labai.

Epesus 1:15

Jo ndranuhun sahou, ta aha atehei budon taha handru in ta Laban Jises, ma aha badeh, aso-ok iri mwan ma badih ta Kindrei labai.

Pilipai 4:6

I buku none ado bwese maha ta abudon solo-an, ado satikisiy ndri-iy. Arile, udu bolo maha mari badeh, ado kasolom ki ta Kindrei ya ado kasehek bolo maha tado ki tan hawe kadeu wurah ki tan ta aliy.

La-ukei ta Pol atorou ili tiri lau badu kon Rom 15:6

ma eme ndrine aha ma boho aha mari badeh, ki le ari katudun Kindrei tama Laban tataha Jises Krais.

2 Korin 1:3

Jo sekesek handru i ta Kindrei, iy tama Laban tataha Jises Krais. Ma iy kati iri kandriyen handru ta tikisiy, ma iy amekes maha-an udu ndrine iri mwan ma badih amunum.

Epesus 6:18

Iri lakou doh, aha kamekes hawe salom, ma kandremenya Kindrei ta aseben aha. Aha badeh, kasolom ta iri lakou marakon aha amekes, na boto-on ta Malawin Ndrabun. Ma aha ale katehei ndrokei kamwenen labai, ma aha winiyan bajos bwe. Len marakon aha kasolom ta aseben iri mwan ma badih ta Kindrei.