Jona 1:3 - Nyindrou

³ Ano le badeh, Jona suriy iy, iy atobwak ta Laban. Iy atobwak ili kon tinan Jopa. Iy ili badeh iy anyolom ndron ta jam ra-ei badeh, alokou ta sakaliye kili Tasis. Iy ili ndremenya ndramak ta atondrok ndron. Eme ndramak ta atondrok ndron aso-ok, ano iy tiye Jona ta isih ndron ta iy ili bolon. Iy sihinei ndron ma iy sandroh ili bolon ta ili Tasis. Ano ndron alakak ta ili Tasis.

Jona 1:3 Referans Kwoze

Jenesis 4:16

Eme Ken iu, iu ta mada Laban ili udu munyak aloh, “Lolo-an Le,” udu loboho an eme loken ta bilin Iden.

Aposel 9:36

Ya udu kon Jopa badeh, badih ari nyaran Tabita (i boho Grik badeh, aloh iy Dokas). Iy badeh, badih ari ta in hamon ta Kindrei. Eme na len mari, iy amekes kandriyen mwasin i tiri lau, ma iy aseben iri lau, tiri lakou bwe.

Aposel 9:43

Ya eme Pita badeh, udu hawe ndramak ari lahou tan ta asereh ku-i iri katin haka, nyaran Saimon, iy udu gwek sese.

Jona 4:2

Jona eme asolom, “Laban, jo tanak, i dah kameh lakou asahan. Jo i tanak badeh udu ndra kon tek, i doh le badeh bwidiy jo mene atobwak ili Tasis. Jo tanak ou badeh, Kindrei. Ou ta leheya kandriyen ta tikisiy. Ou winiya babolosen suwi bwe. Tikisiy tam badeh tinan labai. Jo tanak, ou kameh maniy kandriyen ndra-in, ma ou winiya bamwekes maha-an bala toro bwe.”

2 Tesalonaika 1:9

Ya, iri mwan ma badih doh kameh, akohok ndramas ndra-in labai i buku doh: Laban kameh atehei iri are len labai ta madan, ma ta sun badeh, asahan na boto-on tan, ma iri kameh andrakak are ndra bolo jih ta udu le buku doh.

1 Korin 9:16

Jo winiya batudun nyarak bwe, buku jo asehek anya, jo amekes kandriyen mwasin labai. Ta atiye sahou badeh, gok ta Kindrei edeu eme tek ta jo kamekes. Jo saruwani gok nane doh. Buku jo batiye iri sahou tan doh bwe eh, maha-an tinan kameh eme bwele-ek, ma manyah tek winiya bado mwasin bwe.

Aposel 26:19

Pol asehek ili le i buku doh, “O kabin Agripa, jo bala bwalek ta lakou badu kandrah mene jo anyolom ma anuhun bwe.

Aposel 15:38

Arile, Pol anya, idoh budon mwasin ta iy kili hawe uru bwe, tasah iy badeh, ndraruwani uru ma gok oro anya kamekes na len oro ala atiye sahou ili Pampiliya.

Tarou ta Luk 9:62

Eme ya Jises tiye i tan, “I buku none are lau kapou ndren ta bilin, ya iy bamesekei bano bwe, badeh, iy atalei labai, ta amekes lahou badu baha tondrok ta Kindrei.”

Jenesis 3:8

Eme na beyeh doh le badeh uru anuhun Laban Kindrei edek bolo bilin le badeh, uru aton ala bolo ndrokowa kei udu bolo bilin.

Aposel 9:38

Lida doh badeh, udu mirihik ta Jopa. Ya eme oro lau ta Jises anuhun Pita badeh, udu Lida. Eme oro suni uru lau la-uh badeh, ala andrek iy anya, “Ou ame suwi.”

Aposel 9:42

Eme iri lau mari badu loboho Jopa badeh, atanan ta aliy, ma atehei budon tiri handru i ta Laban.

Jona 1:10

Jona eme tiye i toro, “Jo badeh atobwak ta Laban.” Eme badeh oro lau ta ndron dah anuhun, eme ma bwidiy oro anoh andra-i labai. Eme oro tiye i ta Jona anya, “Ou badeh, bwidiy kandriyen ndra-in handru en! Tasah ou atobwak ta Laban!”