Jona 1:2 - Nyindrou

² Laban tiye i buku doh: “Jo aso-ok ou suriy ou, ou ala bolo kon tinan Ninibe. Ou tiye sahou boto-on kili tiri mwan ma badih ki buku doh, ‘Laban ndranyolom aha amwekes kandriyen ndra-in solo-an labai.’ ”

Jona 1:2 Referans Kwoze

Jenesis 10:11

Udu munyak doh badeh iy iu ili Aseriya ma tahi kon tinan aloh Ninibeh, kon Rehobot Ir, kon Kalah,

Jona 4:11

Badeh kameh tikisiy tek tinan ili ta kon Ninibe, tasah Ninibe badeh kon tinan labai. Ma kane iri badih ma mwan udu bwele-e kane 120,000 ja. Ma bulumakau tiri badeh solo-an labai.”

Jona 3:2

“Ou suri ou, ou adek ala bolo kon tinan tiri Ninibe. Sahou jo ndrasehek tam mene badeh, jo aso-ok ou ala tininiy kili tiri badih ma mwan badu bolo kon tinan Ninibe.”

Rebelesen 18:5

Suhuye iri kandriyen ndra-in tan mara-ei badeh, ili isos kandrah, eme ma Kindrei bwetenei iri kandriyen ndra-in mara-ei ta kon doh.

Jemis 5:4

Aha kanuhun kamwenen! Iri lau ta asoh nyamon badu bolo bilin taha badeh, aha ndrawendreyani iri, ya aha tawi luk tiri ranah nane ta sihine iri, ya sihine iri ranah nane aha tawiy, badeh, aloh i ta Kindrei ta konohei kandriyen ndra-in taha. Ya ndrelen tiri lau ta gok nane ndrasahan ndranye Laban, iy boto-on labai.

Metiu 10:18

Handru labai! Iri kameh seheyani ado ala mada iri lau ta atondrok, ma hawe iri kabin, ma iri kameh atehei ado ala ta mada sahou. Idoh le, ado winiyan leheya sahou tek ili tiri, ma hawe iri lau mwan ma badih badu leheleh ale.

Metiu 12:41

Na len Kindrei le tanan ta edeu iri lau ala ta mada sahou, iri lau mwan ma badih badu Ninibe ale kameh ales ala ta mada sahou, ma iri kameh asehek sahou boto-on labai i taha lau ta len hamon dah. Tasah, iri lau badu Ninibe anuhun sahou Jona asehek, ma iri tubuni ndrine iri. Na idah, ndramak ari ereu ndrokowa ado dah, sakalawi ja Jona, arile ado banuhun sahou tan, ma batubuni ndrine ado bwe!

Jona 3:3

Jona badeh in le hamon ta boho Laban. Eme ma iy iu ili Ninibe. Ninibe badeh, kon laba tinan labai. Buku ndramak anya kedek kudu bilisiu kili bilisiu badeh, winiya len taloh.