Jenesis 9:16 - Nyindrou

¹⁶ Ya buku none betekenyabwiu asahan bolo asi kandrah ya i buku jo anyolom kameh, jo kameh lomondrani sahou randra le tek hawe iri mulin mari badu munyak.

Jenesis 9:16 Referans Kwoze

Jenesis 17:19

Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.

Jenesis 17:13

Ado ari ari badeh kasan ki-iu eme ya mada lau kanyolom i dah badeh kalem ta leheya sahou randra le tek ma ou badeh udu le buku doh.

Hiburu 13:20

Kindrei mene mete-ei Laban tataha Jises. Eme ma iy asahan ndramak mwasin labai ta atondrok taha mwan ma badih buku sipsip. Tasah, ta ndrayen mene amou, eme iy tutuniy ma bwidi sahou randra le doh abadok ta ere le buku doh. Kindrei badeh, kati manyah mwasin tataha. Eme ma, jo aso-ok iy katehei iri kandriyen mwasin mari doh kewek taha, ta aha ka-en hamon ta tanan tan. Ma jo aso-ok, iy kaleheya kandriyen mari kasahan bolo taha, buku iy amwenen aso-ok. Kandriyen doh asahan ta Jises Krais, iy amwenen aseben taha ta amekes. Taha katudun ma kamasiye nyaran kudu le buku doh. Handru!

Jenesis 17:7

“Jo kameh balek winiyan bamani tandrakan tek i tam ma hawe i ta lundriyem oro na len, eme, eme, bwe. Sahou randra le dah, winiyan ta bano bwe. Jo kameh asahan Kindrei tam ma Kindrei ta lundriyem oro.

Jenesis 9:17

Eme i dah kalem tek jo edeu udu ndrokowak hawe iri mulin mari.” Nowa Hawe Lundriyen Oro