Jenesis 5:3 - Nyindrou

³ Len Adam jaha tan asahan rinek tonoh (130) badeh nadun ari asahan ya konen i le buku iy, eme iy tondrohani nyaran Set.

Jenesis 5:3 Referans Kwoze

Jenesis 4:25

Ano Adam uru udun atehei nadu uru mwan ari ja. Eme udun tiye, “Kindrei badeh atehei nah mwan ari i saluwe Abol ala Ken mene idi iy.” Eme iy tondrohani nyaran badeh Set.

Epesus 2:3

Taha marakon mene badeh, asahan buku iri mwan ma badih doh, ma taha an ndra hamon ta so-ok ndra-in ta budon tataha malen. Ya, taha ndra-en hamon tiri lakou marakon, bada taha ma budon tataha anya kamekes. Taha ado buku le aliy, ma taha kameh winiyan akohok ndramas ndra-in doh, buku iri mwan ma badih rayah ba-en hamon ta Kindrei bwe.

1 Korin 15:39

Bada iri lakou mulin marakon are bwele-e munyak badeh, ari randrah, ari randrah labai. Bada taha ndramak badeh, ari ai, ya bada iri lakou buku bou badeh, i randrah ja ai. Ya iri sirih badeh, bada iri i randrah ale, ma iri ni bada iri i randrah ale.

La-ukei ta Pol atorou ili tiri lau badu kon Rom 5:12

Taha tanan, ndramak ari le bwidi kandriyen ndra-in, ya, ta kandriyen ndra-in doh le, kandriyen ndra-in mari asahan kon munyak. Ano ja, kandriyen ndra-in tiyani imek eme. Eme ma imek eme andrei lau marakon, tasah lau marakon amekes iri kandriyen ndra-in.

Tarou ta Jon 3:6

Saba lakou oda taha edeu, badeh ta oda taha. Ya saba lakou Malawin Ndrabun edeu, badeh ta Malawin Ndrabun.

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Tarou ta Luk 3:36

ano Sela edek ndrine Kenan, ano Kenan edek ndrine Apasat, ano Apasat edek ndrine Sem, ano Sem edek ndrine Nowa, ano Nowa edek ndrine Lemek,

1 Korin 15:49

Na idah ja badeh, taha ado buku le iy ndramak nane badu munyak. I buku hamon ja kameh, taha asahan i buku le iy ndramak nane badu kandrah.

Jenesis 5:2

(Iy mwesekei uru ari mwan ma badih ano iy atehei nyosowan i turu ma tondrohani uru “Lau”).

Jenesis 5:4

Ano hamon ta aliy badeh Adam udu winiya jaha ndru lunek (800), ma iy badeh nadun rayah ale udu aliy.