Jenesis 48:1 - Nyindrou

¹ Ano udu sese badeh iri tiye ta Josep ta taman badeh ndrabosik. Ano badeh Josep kuhi nadun uru ma la-uh, Ipra-im hawe Manase, eme oro ala hawe Jekop.

Jenesis 48:1 Referans Kwoze

Tarou ta Jon 11:3

Eme uru nadu tinen suni sahou turu ili ta Jises i buku doh, “Laban, kawas tam mene, ou ale aso-ok iy labai badeh, ibo sik in andri.”

Jenesis 50:23

Iy badeh udu anyolom nadu tubun oro badu ndrine nadun Ipra-im. Iy anyolom nadu Makir oro; Makir badeh nadu Manase. Oro doh badeh i buku none nadun oro.

Jenesis 46:20

Ano udu Ijip badeh Josep badeh nadun la-uh, uru badeh Manase hawe Ipra-im. Uru doh badeh au ndrine udu Josep nyaran Asenat. Ya Asenat badeh iy badih, nadu Podipera, pris badu kon On.

Hiburu 11:21

Jekop atehei budon tan handru in ta Kindrei. Mirihik Jekop anya kimek, iy atehei nyosowan i ta nadu Josep uru ma la-uh, ano iy baramak hamon. Iy tawi iy ales na kandro tan, ma iy atudun nyara Kindrei.

Jenesis 48:2

Eme Jekop anuhun nadun Josep eme ta atou iy badeh, eme ma boto-on tan asahan ma iy suri iy ma iy manyah udu loken bada sau.

Jenesis 48:5

Ano Jekop tiye le, “Josep, nadum uru ma la-uh, Ipra-im hawe Manase badeh adeu uru ado Ijip udu hamon ta jo asahan dah, arile uru badeh tek le, i buku none le Ruben uru Simiyon.