Jenesis 47:12 - Nyindrou

¹² Ano Josep edeu nyamon i na taman, i na nadu tinen oro ma hawe i na nadu tinen oro bahan hawe lowa taman oro mari ale ya iy anyohan oro badeh in hamon ta kane nadun oro.

Jenesis 47:12 Referans Kwoze

Jenesis 45:11

I buku none ado ado Gosen badeh kameh madak kameh udu tado. Jaha limeh ta nyamon bwe badeh kahis le; eme jo badeh bwalek ou, ma hawe lowam oro ma hawe iri katin haka tado badeh sakohok sandra-i ta son.’ ”

1 Timoti 5:8

Arile, i buku none oro are batondrok lowan oro bwe, ma oro batondrok nadun ma udun oro bwe, badeh kameh iy sakalawi budon handru, ma iy badeh, ndra-in labai ja, ma kandriyen ndra-in tan badeh kameh sakalawi iri lau ala budon tiri ba-en hamon ta Kindrei ja ai.

1 Timoti 5:4

Arile, i buku none oro are badih nyau, nadu oro ma hawe nadu tubu oro udu aliy, badeh, oro ka-en hamon ta san ta Kindrei, ya katondrok oro badih nyau. Tasah, oro ma bwisik mene, oro awoyah ta anyo-ou oro; kandriyen doh badeh, mwasin ma amwenen ta mada Kindrei.

1 Timoti 4:8

I buku none ou amekes ndrayem kaseselek, mwasin; arile san ta Malawin Ndrabun badeh, mwasin labai ja ta ou sakaliye niliy. Tasah, idoh kameh sebenei manyah tam udu mwasin na len dah, ma hawe na len hamon kameh eme.

1 Tesalonaika 2:7

Arile, aso mene are hawe aha, aso badeh, manyah amunum le. Aso are le buku badih isus nadun oro.

Tarou Ta Nyala Rut 4:15

Nyanam badeh aso-ok ou labai! Ma iy badeh bwidiy gok tam solo-an labai, bala buku ndro taloh nadum badu ndrinem amwenen bwe. I deh, iy ndratehei tam nah ari ma nah kede-eh kameh bwidiy manyah tam hamon kameh udu mwasin, ma iy tondrokei ou winiya le imek tam.”

Jenesis 47:24

Ya i buku none len ta nyamon kuni badeh, udu bolo nyamon taha ronoh badeh aha kadeu la-uh badu bolo ronoh ki ta kabin. Ya iri buwa kalom mari erah badeh ki taha ta atah ma ki ta nyumon taha ma lowa aha oro mari.”

Jenesis 47:21

Josep badeh mwesekei iri lau mari badu Ijip badeh asahan bonyo-ou.

Jenesis 47:1

Ano Josep kuhi nadu tine oro ma limeh ala hawe kabin. Eme Josep tiye i ta kabin, “Tama ma nadu tine oro badeh ado Kenan ndrame. Oro badeh ame ma katin haka toro ta aimon bwidiu, hawe lakou toro mari. Oro badeh are loboho Gosen.”

Jenesis 50:21

Ado badeh sanoh ta ari lakou. Jo kameh atondrok ado ma nadu ado oro.” Ano badeh Josep tiye budon mwasin i toro ma mwesekei ndrine oro ta tikisiy iu.

Jenesis 45:7

Kindrei atehei jo eme bwena dah i san randra labai, ta aseben ado ma lundriye ado samak.

Jenesis 45:10

Ou ma hawe nadum oro ma nadu tubum oro, iri sipsip, iri me, iri bulumakau ma hawe lakou tam mari kame kamanyah kado loboho Gosen, kado mirihik tek.