Jenesis 41:8 - Nyindrou

⁸ Eme iy tikisiy handru, eme na mandraben badeh iy suni sahou i tiri lau mari ta kau tan ma hawe iri lau ta budon tan badu Ijip ame. Eme iy asehek ameh tan i tiri, arile iri ari winiyan batiye moso ameh bala tan bwe.

Jenesis 41:8 Referans Kwoze

Metiu 2:1

Hamon ta Jises ndrasahan udu Betlehem udu bolo kon tinan Judiya, udu bada len ta kabin Herot, oro lau ta tanan badu loboho an eme loke ame Jerusalem,

Jenesis 40:8

Eme uru anya, “Aru mala-uh badeh ameh, arile ari ndramak ta tobolowe moso ameh taru bwe.” Ano Josep badeh tiye i turu, “Kindrei badeh ta edeu moso ameh, eme ah kasehek ameh ta ah.”

Jenesis 40:6

Ano Josep mandraben eme hawe uru badeh iy anyolom uru badeh tikisiy.

1 Korin 1:19

I buku le Kindrei asehek udu bolo buk ndrabun i buku doh, “Jo kameh bokoro-ei tanan tiri lau nane anya kasahan ndramak ta tanan. Jo kameh sani budon tiri lau nane, iri anya iri ndratanan iri lakou solo-an.” Aisaya 29:14

Aposel 17:18

Eme oro lau rayah aloh oro Epikuriya ma hawe oro lau aloh oro Stowik ame andres hawe Pol. Oro rayah asehek anya, “Iy ndramak doh ta amou gwa laleyah, anya kasehek nyala sasah kede-eh?” Ya oro rayah anya, “Iy kede-eh asehek nyala iri kindrei rayah badu leheleh nadeh?” Oro asehek i buku doh, tasah Pol nane asehek sahou mwasin ta nyala Jises ndramak ta amak ta imek eme loken.

Aposel 7:22

Eme Moses badeh, akohok tanan tinan labai badu Ijip ma iy badeh, asehek sahou nyarahan labai, ma iy amekes lahou tan badeh, irih labai.

Jenesis 41:7

Eme oro kalom ma ndro taloh awa-is nane dah sakalamiy oro kalom buwa oro tinan dah. Eme kabin amak badeh iy anya, “Jo dah nane ameh.”

Jenesis 41:15

Eme kabin tiye i tan, “Jo badeh ameh, eme ari ndramak badeh batiye moson bame tek bwe. Eme ndramak ari tiye tek anya, ou badeh winiyan tobolowe moso ameh.”

Jenesis 41:24

Eme oro buwa kalom salin bwe dah sakalamiy oro tinan nyimirin dah. Ya eme jo asehek ameh doh i tiri lau ta kau, arile iri winiyan batiye moson bame tek bwe.”