Jenesis 4:8 - Nyindrou

⁸ Ano badeh Ken tiye sahou i ta nadu tinen Abol, “Talu ka-au kala len.” Eme uru au ame len badeh, Ken eme tubuni iy, eme ma iy idi nadu tinen imek.

Jenesis 4:8 Referans Kwoze

La-ukei atorou Jut 1:11

Mada iri katou! Tasah, sisi-in tinan labai kameh i bwele-e iri! Iri badeh, a-en hamon le ta kandriyen ta Ken, iri amekes kandriyen i buku le Balam mene amekes ta akohok le luk ta lau, ma aseben iri ta amekes kandriyen ndra-in. Iri ale, amekes bahun hawe Kindrei i buku le Kora mene amekes. Tasah, ta lakou mari doh kameh, oro mari kameh amak ano au.

Metiu 23:35

Kandriyen ta adai iri lau mwasin don adeh, mesekei maha-an eme kon munyak. Maha-an doh kameh ereu bwele-e ado amwenen. Iri adai iri lau mwasin udu ndra kabatana ndraye Ebol eme isos ndraye Sekaraya nadu Berekaya, iy ndramak ale ado adai ereu ndrokowa asiu tinan ta Kindrei ma mada koto-ok. Ado amwenen kameh akohok iri maha-an ta kandriyen ndra-in doh.

Tarou ta Luk 11:51

Udu ndra kabatana ndraye Ebol eme isos ndraye Sekaraya, mene adai iy ya ndrayen amou udu ndrokowa mada koto-ok ma asiu ta atudun. Eme jo bawendreya bwe, ado lau na len dah kameh a saluwe oro bwese isi mari doh.

Hiburu 12:24

Eme aha ndrasilahei Jises ale, iy le ari adeh amekes sahou randra le ha-un ta Kindrei hawe taha. Eme ma ndrayen le bwidi sahou randra le abadok. Ndrayen doh udu bwele-en labai ja ta ndraye Ebol, tasah ndraye Ebol leheya i buku doh: Ndramak ari kameh kakonohei ndra-in doh. Arile, ndraye Jises bwe. Ndrayen amou ta akunoh iri kandriyen ndra-in tataha mari iu.

Tarou ta Luk 22:48

Arile, Jises lelen iy anya, “Judas, ou kameh adeu bohom eme bohok ma leheya Nadu Ndramak Awas i mine iri lau ai?”

Hiburu 11:4

Ebol atehei iri budon tan mara-ei ili le ta Kindrei, eme iy edeu salom ili tan. Kindrei aso-ok salom ta Ebol labai, iy baso-ok salom ta Ken bwe. Ebol ndramak ai, arile budon tan tinan labai udu ta Kindrei, eme ma Kindrei aloh iy ndramak mwasin labai ta madan, ma iy aso-ok ndramas tan ale. Kandriyen ta budon ta Ebol le doh, leheya taha ta atehei budon tataha ili le ta Kindrei.

Jenesis 4:25

Ano Adam uru udun atehei nadu uru mwan ari ja. Eme udun tiye, “Kindrei badeh atehei nah mwan ari i saluwe Abol ala Ken mene idi iy.” Eme iy tondrohani nyaran badeh Set.