Jenesis 39:2 - Nyindrou

² Eme Laban badeh udu hawe Josep, ma lakou mari iy amwekes badeh ndra mwasin le. Eme Josep badeh manyah tan badeh badu asiu ta Podipa,

Jenesis 39:2 Referans Kwoze

Jenesis 26:28

Eme oro tiye, “Aso badeh anyolom Laban badeh udu hawem eme aso tiye, To badeh kamwekes budon ta sahou randra le kudu ndrokowa to.

Jenesis 21:22

Na len doh badeh Abimelek hawe Pikol ndramak ta mwena ta bahun tan tiye i ta Abraham, “Sasah ou amwekes badeh Kindrei udu hawem.

Jenesis 26:24

Eme na ben doh badeh Laban asahan hawen tiye, “Jo dah badeh jo Kindrei ta tamam Abraham. Ou sanoh, jo udu hawem; tasah ta i lau ta lahou tek Abraham le, jo kameh atehei nyosowan i tam ma jo kameh edeu kane lundriyem oro kameh a sola.”

Jenesis 28:15

Ou kameh heh a heh jo kameh udu hawem ma madak kameh udu tam ano jo le kameh, tiyaniy ou ame hamon ja ame munyak dah. Jo kameh winiyan bakahei ou bwe, winiyan le lakou jo mene tandrakan ou barasahan.”

1 Timoti 6:1

Budon tiri lohowan mari badeh, iri kamekes ki ta lau ta atondrok iri badeh, ki buku doh: Saba lahou ndramak ta atondrok iri katiye iri kamekes badeh, ndra iri kamekes le, tasah kandriyen doh badeh, mwasin. Ya, ki buku none iri katebelese, badeh kameh, iri lau kameh bobose nyara Kindrei, ma hawe leheya ta to ale.

Metiu 1:23

Badih ari bamadin hawe mwan bwe kameh susune nah ya iy kameh atehei nah mwan, ya idah kameh iri lau aloh iy Imanyuwel (moson i buku doh, “Kindrei udu hawe taha”). Aisaya 7:14

Aposel 8:31

Eme iy anya, “Batuk kaleu ta aliy ki buku sah? Ki buku none ari ndramak keme kaleheya keme tek.” Ya eme iy tiye Pilip anya, “Ou ame loke manyah ado hawek, ma aseben jo.”

Jenesis 21:20

Iy badeh i tinan, Kindrei badeh udu hawen le. Iy badeh ndrahu manyah tan udu kon lomale an, eme iy badeh asahan nyekelen handru ta beteleu.

Jenesis 39:3

eme Podipa anyolom Laban udu hawen ma mwesekei iy amwekes lakou ndra mwasin le.

Jenesis 39:23

Eme iy ndramak ta atondrok ari lakou bwe, lakou badeh udu baha nyolom ta Josep, tasah Laban badeh udu hawe Josep, eme badeh mwesekei Josep winiyan amwekes lahou mari.