Jenesis 39:12 - Nyindrou

¹² Eme udu Podipa tawi awin tan indrek iy, “Ou ame sau hawek.” Arile Josep atobwak eme manan, awin tan ta bwele-en le badeh udu ndra minen udu gwek.

Jenesis 39:12 Referans Kwoze

2 Timoti 2:22

Ya, Timoti, buku ou anya asahan buku bwekei mwasin don eh, idoh badeh, ou atobwak a len labai ta iri kandriyen ta ndrine iri lau loweu aso-ok. Ma ou abo gok boto-on in le hamon ta kandriyen mwasin ma amwenen, ma hawe budon mwasin ta Kindrei, kandriyen ta aso-ok iri mwan ma badih rayah ja, kandriyen ta ndrine taha kudu mwasin. Ma ou amekes iri kandriyen doh, hawe iri mwan ma badih, ndrine iri ndraleu mara-ei, ma iri asolom ili ta Kindrei kaseben iri ka-en hamon tan le amwenen.

1 Pita 2:11

Aha kawas tek, jo asehek sahou dah ewek taha, buku none aha areu kon munyak, kon taha bwe. Aha lau ta teteheh le, eme ma aha satehei kandriyen ta budon ma ndrine aha ndra-in sa-en bwena taha, ndri-iy. Tasah, kandriyen ndra-in ta budon ma ndrine aha badeh, kameh amekes bahun hawe malawi aha mwasin.

1 Korin 15:33

Aha sanuhun iri lau rayah awek wendreya aha. Aha ndratanan iri sahou dah: “Buku taha ka-en hamon hawe iri lau ndra-in, idah kameh iri adi kandriyen tataha mwasin iu.”

Jenesis 39:10

Eme iy badeh ndremenya seken ta Josep len ari i buku ari, ta iy kili bada sau hawen, arile Josep bwalen.

Jenesis 39:8

Arile Josep bwalen, ma iy tiye, “Jo badeh atondrok lakou mari. Podipa winiyan babwerei bwe, tasah iy atehei budon i tek ta jo badeh winiyan tondrokei lakou mari badu asiu tan ma lakou tan mari.

Jenesis 39:11

Ano na len ari badeh Josep anya kili bolo asiu kamwekes lahou tan. Eme ari lau ta lahou badeh bare aliy bwe.

Jenesis 39:13

Eme udu Podipa anyolom awin tan badeh udu minen udu badeh,