Jenesis 34:1 - Nyindrou

¹ Liya badeh atehei nah ari badih nyaran Dinah nadu Jekop. Eme iy ili badeh manyah hawe iri badih badu munyak doh.

Jenesis 34:1 Referans Kwoze

Jenesis 30:21

Ano udu ja badeh iy tuwi badih ma tondrohani nyaran badeh Dinah.

1 Timoti 5:13

Ma idah kameh, iri lolo-an a asiu ra-em ano asiu ra-em; ma laba tinan ta aliy handru badeh, iri kameh none kandriyen ta asehek lau ma sokolowa bolo lahou ta lau. Ma hawe iri asehek sahou laleyah.

Jenesis 46:15

Oro doh badeh nah nadu udu Jekop aloh Liya badeh, adeu oro ame len badeh ado Padan Aram ma hawe nadun badih ari badeh nyaran Dinah. Eme ya kane nadu Isra-el oro mari iu ndrine Liya badeh asahan tonoh taloh.

Jenesis 30:13

Eme iy tiye, “Jo badeh sekesek labai! I dah kameh iri badih kameh aloh jo, ‘Sekesek.’ ” Eme iy tondrohani nyaran Aser.

Jenesis 28:6

Eme Iso badeh ndratanan Aisik badeh ndratehei nyosowan ndra ta Jekop ma tiye iy ndra-au ndrala Padan Aram ta kasoh badih badu doh, na len iy edeu nyosowan i tan ma batanau iy badeh sasoh badih badu Kenan.

Jenesis 27:46

Ano badeh Rebeka tiye ta Aisik, “Jo ndrawoyah ta udu Iso badu Hita kede-eh. I buku none Jekop kasudi ari badih ki buku doh jo kameh imek.”

Jenesis 26:34

Len Iso jaha tan asahan hanoh badeh iy sudi Judit uru Basemat, uru badu Hita. Judit badeh nadu Beri ya Basemat badeh nadu Elon.

Taitus 2:5

Ma oro katiye oro katondrok bada oro kudu mwasin ta oro sakohok mwan ari ja. Ma hawe oro ka badih ta gok ma kaleheya oro ta kanuhun boho udu oro. Ya eme, lau badeh, sabobose sahou ta Kindrei.

Jenesis 33:20

Ano iy tukumwi bek ta salom ma aloh “El Elohe Isra-el,” moson, “Kindrei tahi Isra-el.”