Jenesis 3:6 - Nyindrou

⁶ Eme i badih dah anyolom kei dah ma buwan badeh mwasin labai ta aimon, eme iy lomondra, “Mwasin handru en i buku jo kasahan badih ta tanan.” Eme iy andrei rayah ma iy aimon ai. Ano badeh iy andrei rayah i mine udun ma udun aimon ale.

Jenesis 3:6 Referans Kwoze

1 Jon 2:16

Taha tana taha iri kandriyen ta lau badu munyak badeh, buku none: Ade iri a len, ma mada iri alikis, hawe kandriyen ta bar ndra-in anya, “Jo le ai, jo le ai.” Kandriyen mari doh badeh, bareu ta Kindrei bame bwe. Iri kandriyen doh badeh, badu kon munyak le.

1 Timoti 2:14

Ma Adam ale bataku bwena bwe, Ip badeh, taku bwena ma iy ba-en hamon ta kandriyen mwasin ta Kindrei bwe.

Jenesis 6:2

eme iri lau rayah batun badu kandrah, badeh anyolom iri badih badeh konen konen, eme iri asoh iri ala seken tiri udu tiri.

Metiu 5:28

Arile, jo katiye kewek tam, ki buku none ari ndramak kanyolom boto-on kili bada ari badih ta amekes budon ndra-in ta karei kili tan, iy ndramak doh ndramesekei karei hawe iy badih doh ndrado ndrinen kabwe.

Jenesis 39:7

Ano udu sese badeh udu Podipa budon tan andra-i ta Josep eme iy ndremenyani iy ta iy kili hawen ki bada sau.

Jenesis 3:17

Eme iy tiye i ta i mwan, “Ou anuhun boho udum ma ou aniy buwa kei mene jo tiye anya ou saimon. Ya eme ta lakou ou ndramwesekei, i dah kameh munyak andra-i. Ya i dah kameh len ou ado kameh ou amwekes lahou boto-on boto-on ta amwekes munyak ta atah nam nyamon.

Jenesis 3:12

Eme i mwan anya eh, “I badih ou atehei iy udu hawek kada-ah, badeh atehei buwa kei eme ma jo iniy.”