Jenesis 3:16 - Nyindrou

¹⁶ Ano iy tiye i ta i badih, “Jo kameh amwekes isi labai i buku nah ere ndrinem ma i dah kameh jo edeu sisi-in i buku ou anya adeu nah. Ya ta i doh kameh ou kameh anya udum sala len, arile i mwan le badeh atondrok ou.”

Jenesis 3:16 Referans Kwoze

Taitus 2:5

Ma oro katiye oro katondrok bada oro kudu mwasin ta oro sakohok mwan ari ja. Ma hawe oro ka badih ta gok ma kaleheya oro ta kanuhun boho udu oro. Ya eme, lau badeh, sabobose sahou ta Kindrei.

Kolosi 3:18

Ya, aha badih tasou, aha badeh, kanuhun boho udu aha iri, ma ka-en hamon tiri. Tasah, aha ta Laban ma kandriyen dah badeh, amwenen labai ta madan.

1 Korin 11:3

Na len dah jo aso-ok aha katanan ale ta sahou dah: Iri lau mwan marakon badeh, are bahandra tondrok ta Krais le ari. Ya iri badih badeh, are bahandra tondrok ta udu iri. Arile Krais badeh, udu bahandra tondrok ta taman Kindrei.

1 Timoti 2:15

Arile, iri badih katawi kandriyen ta budon handru, ma hawe kandriyen ta tikisiy, ma hawe kandriyen mwasin ta are mada Kindrei, ma iri sala badih ta atudun iri ta anyasou bada iri. Ya buku none iri amekes i buku doh kameh, na len iri adeu nah kameh iri adeu udu mwasin.

1 Korin 14:34

Buku iri lau mwan ma badih ta Kindrei atukum a se, iri badih badeh, winiya bamekes sahou bwe. Iri kandru-uk le ai. Iri lau ta Kindrei tataha rayah kede-eh badeh, amekes i buku le aliy. Iri badih badeh, winiya basahan kabin ta lau ta Kindrei bwe. Iri kare le bahandra tondrok tiri mwan, i buku le sahou batanau iri Juwis ndrasehek.

1 Korin 7:4

Iy badih winiya batondrok badan amwenen bwe, tondrok ta mwan le ari. I buku le bada iy mwan badeh, tondrok ta udun badih le ari amwenen.

Tarou ta Jon 16:21

“Jo anya kasehek sahou sokek ari ki tado: Badih anya kedeu nadun, iy tikisiy labai, tasah len tan ta akohok sisi-in ndrasahan. Arile, iy ndratehei nadun ndrame len, ma iy ndramani iri sisi-in tan nane doh. Iy sekesek, tasah iy ndratehei nadun ndrame len bolo kon munyak.

Jenesis 4:7

I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”

1 Tesalonaika 5:3

Iri mwan ma badih batehei budon tiri bala ta Kindrei bwe, iri asehek i buku doh: “Aha sabudon! Idah len, mwasin ai, ari bahun ja bwe.” Arile, na le len doh, se nawin bwe, Laban kameh bwidi iri ala munya-un ndra-in labai. Ma lakou doh kameh asahan suwi labai, buku sisi-in ale asahan ta badih iy anya kedeu nadun, ma iri winiyan bateleyani lakou doh bwe.

1 Timoti 2:13

Tasah, ma mwena handru mene bamekes Ip bare bwena bwe, amekes Adam badeh, ere bwena labai.