Jenesis 28:3 - Nyindrou

³ Ma Kindrei badeh kudu hawem ma katehei nyosowan ki la-um ma lundriyem ki sola ma kasahan lau rakon buruwen.

Jenesis 28:3 Referans Kwoze

Jenesis 48:3

Ano Jekop tiye i ta Josep, “Kindrei tinan badeh asahan hawek udu kon Lus udu munyak Kenan badeh atehei nyosowan eme tek.

Jenesis 35:11

Eme badeh Kindrei tiye i tan, “Jo dah jo Kindrei, jo tek boto-on labai. Ou badeh amwekes nah ma sola. Iri nah badu kon munyak tinan kasahan ta lau tam, ma ou badeh tama iri kabin na len hamon kameh asahan.

Jenesis 9:1

Eme Kindrei atehei nyosowan i bwele-e Nowa hawe nadun oro ano ma iy tiye, “Ado kadeu nah ma lundriye ado oro kaweleyani kon munyak mari.

Jenesis 1:28

Ano badeh iy atehei nyosowan i turu ma tiye i turu i buku doh, “Ah badeh kamwekes nah ya lundriye ah oro kaweleyani kon munyak mari ma kado katondrok. Ma jo atehei ah badeh katondrok iri ni katondrok iri sirih ma hawe iri katin haka ndriliu.

Jenesis 43:14

Laban Kindrei kamwekes ndramak doh katikisiy ado, ya i katehei Benjamin hawe nadu tine ado Simiyon keme hamon hawe ado. I buku none naduk uru jo maniy uru, badeh jo winiyan babwidiy se lakou bwe.”

Jenesis 41:52

Ano ja Josep tiye, “Kindrei badeh ndratehei jo ndrasola udu munyak ta ndra-i dah; eme iy tondrohani bwaneh tan Ipra-im.”

Jenesis 24:60

Ano oro batanau ma tiye tan, “Nadu tine aso, lundriyem kasahan sola wa-iralou ano wa-iralou, ma lundriyem oro kadai lau ta amwekes lomondra ndra-in i toro!”

Rebelesen 21:22

Jo badeh, banyolom asiu tinan ta Kindrei bado bolo kon tinan doh bwe, tasah Kindrei badeh, iy boto-on labai, hawe Nadu Sipsip tan, uru ma la-uh badeh, i buku asiu tinan tan.

2 Korin 6:18

“Ma jo kameh asahan tama aha, ma aha kameh asahan naduk iri handru. Laban badeh, iy kati iri boto-on mari; iy amwenen asehek i buku doh.” 2 Samuwel 7:14; 7:8

Jenesis 17:20

Ya ndrelen tam ta Isma-el baden eh, jo ndranuhun; jo kameh nyosowani iy handru; ma jo kameh mwesekei iy asahan sola ma kanen kameh i sola. Iy kameh asahan tama oro lau ta batun ma ronoh la-uh ma jo kameh edeu iy asahan kon rakon buruwen.

Jenesis 26:4

Jo kameh amwekes lundriyem oro a sola, solo-a ndrau badu kandrah ma edeu munyak mari dah i toro, ma eme iri kon munyak tinan mari kameh ndremenya jo ta kadeu nyosowan ki la-u iri, i buku none jo edeu nyososwan i ta lundriyem oro dah,

Jenesis 26:24

Eme na ben doh badeh Laban asahan hawen tiye, “Jo dah badeh jo Kindrei ta tamam Abraham. Ou sanoh, jo udu hawem; tasah ta i lau ta lahou tek Abraham le, jo kameh atehei nyosowan i tam ma jo kameh edeu kane lundriyem oro kameh a sola.”

Jenesis 27:33

Eme Aisik totoreh ma iy anya, “Are lau nane andrei katin haka nane tiyani eme dah? Jo baraimon barano ai, ou bame bwe le, eme jo ndratehei nyosowan ndra la-un ma i dah kameh erah ai.”

Jenesis 48:4

Eme Kindrei tiye i tek i buku doh, ‘Jo kameh edeu nadum oro kameh asola ma lundriyem oro ari ari kameh asahan kon tinan rakon buruwen; ma jo kameh edeu munyak dah kameh i ta lundriyem i buku ari lakou i toro udu le buku doh.’ ”

Jenesis 49:25

I dah badeh na Kindrei ta tamam le aseben ou, Ma i dah kameh Kindrei tinan le kameh atehei minen udu la-um, na nyosowan tan badu kandrah Ma na nyosowan ta gwa waru badu baha munyak, Ma na nyosowan tiri bulumakau hawe tiri nah,

Tarou Ta Nyala Rut 2:4

Bowas udu Betlehem eme anya katou oro lau tan. Iy eme isos, iy anyolom oro le badeh, iy anya, “Laban udu hawe ado.” Eme oro lau tan tiye sahou sekesek i tan anya, “Laban atehei nyosowan tan ewek tam.”