Jenesis 26:5 - Nyindrou

⁵ tasah Abraham badeh anuhun bohok ma hawe anuhun batanau tek.”

Jenesis 26:5 Referans Kwoze

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”

Metiu 7:24

Jises asehek ili le i buku doh, “Sendrehendreh ta aliy i buku doh: Are lau anuhun sahou tek dah ma iy in hamon ta aliy, iy i buku none ndramak tan budon mwasin, iy atah asiu tan udu bwele-e bek.

Jemis 2:21

Bwena mene tubu taha Abraham atehei nadun Aisik i bwele-e mada koto-ok anya ki nyara salom ki ta Kindrei. Eme ma, udu kabatana doh badeh, Kindrei anyolom lahou tan, ma iy aloh Abraham ndramak mwasin labai ta madan.

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

1 Korin 15:58

Eme ma, aha nadu tine mwan ma badih i san ta Krais, aha kabadok, ma aha kado le rasi. Tasah aha ndratanan, lahou boto-on aha amekes ta Laban kameh winiya ba-au laleyah bwe.

Jenesis 18:19

Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”

Jenesis 12:4

Eme na len Abram jaha tan asahan ndro tonoh limeh (75) iy edek udu Haran eme len i buku none Laban ndratiye tan, ma Lot i hawen ale.

Jenesis 17:23

Eme Na len doh le badeh, Abraham anuhun sahou ta Kindrei ma iy sani ku-i lakou ta Isma-el iu hawe tiri lau mwan are asiu tan ale. Iri doh badeh iri lau ta lahou tan badu bolo asiu. Iri lau ala adeu iri ado hawen ma hawe iri lau rayah ta sisih ale.

Metiu 5:19

“Ya are lau winiyan banuhun randra sahou nadu bwisik ta batanau malen bwe, ma iy leheya lau ta iri ka-en hamon ta kandriyen tan doh, iy winiyan basahan bala tinan bado ta tondrok ta Kindrei, bwe. Arile, are lau none ma leheya lau ta iri kanuhun ma kamekes batanau malen, iy kameh, aloh nyaran i tinan handru udu bolo tondrok ta Kindrei.

Jenesis 26:6

Eme Aisik badeh manyah udu Gerar udu gwek.