Jenesis 26:12 - Nyindrou

¹² Ano Aisik badeh tahi baso udu munyak doh, eme uni udu bolo oro baso ari ari nane iy tahi doh, badeh oro ari ari ato-ou rinek rinek sakalawi bwena mene ndra-au, tasah Laban atehei nyosowan i la-un.

Jenesis 26:12 Referans Kwoze

Jenesis 26:3

Ou ado munyak dah ado sese, jo kameh udu hawem ma jo kameh atehei nyosowan i tam. Jo kameh edeu tam hawe edeu ta lundriyem oro ta munyak dah ma jo kameh leheya tandrakan tek handru mene i ta tama Abraham.

Tarou ta Mak 4:8

Arile buwa wit ra-on taku i bolo ndren mwasin, ma iy ateh i tinan ma iy ato-ou buwan solo-an labai. Eme buwan ra-on ato-ou tonoh (30), ya ra-on ato-ou ndro hanoh (60) ma ra-on ja ato-ou rinek (100).”

Jenesis 24:35

Laban badeh ndratehei nyosowan ndra ta Abraham mwasin labai, ma iy badeh tan lakou solo-an labai. Kindrei badeh atehei tan sipsip, bulumakau, silba ma hawe gol ma atehei tan iri lau ta lahou tan mwan ma badih ma hawe iri kamel hawe donki.

Jenesis 24:1

Abraham badeh ndra alon labai, ma jaha tan ndra sola, eme Laban badeh atehei nyosowan i la-un ta mada san mari.

1 Korin 3:6

Jo mene atiye sahou mwasin ndrawek taha, idoh i buku jo ndratahi buwa kei. Apolos atiye sahou mwasin ale, i buku iy eme asolou gwa ili tiri, arile Kindrei amwenen bwidi sahou doh ato-ou salin.

Jenesis 30:30

Lakou tam sola bwe len jo eme, arile na dah ndra sola, tasah Laban atehei minen udu la-um, tasah na jo; ma loboho heh jo edek i aliy. Arile na dah badeh jo anya kasilah lakou ta aseben asiu tek ai.”

Metiu 13:8

Arile, badu wit ra-on taku i bolo ndren mwasin, ma iy ato-ou buwan. Ra-on ato-ou rinek (100), ra-on ato-ou ndro hanoh (60), ra-on ato-ou tonoh (30).

Metiu 13:23

Arile, iri buwa wit ale taku in munyak mwasin badeh, i buku le iri lau anuhun sahou ta Kindrei, ya iri tanan katin handru. Eme ya iri ato-ou sali iri, ra-on ato-ou rinek (100), ra-on ndro hanoh (60), ra-on tonoh (30).”

Jenesis 26:29

Aso aseken ou tandrakan, ta ou badeh samwekes bahun same taso, i buku none aso samwekes sawek tam. Aso amwekes mwasin i tam ma ou manyah mwasin le. Ya eme na dah aso ndratanan ndramwe-es ai, Laban badeh atehei nyosowan udu tam.”

Jenesis 25:11

Ano hamon ta Abraham ndramak badeh, Kindrei atehei nyosowan i ta nadun Aisik. Iy manyah badeh udu mirihik ta Ber Lahai Roi.