Jenesis 22:8 - Nyindrou

⁸ Eme Abraham anya eh, “Naduk, Kindrei le baradeu sipsip kasen barame ta asun ta salom.” Eme uru ma la-uh adek ala.

Jenesis 22:8 Referans Kwoze

Tarou ta Jon 1:36

Jon anyolom Jises edek eme, ma iy aloh, “Aha kanyolom, iy kede-eh Nadu Sipsip ta Kindrei.”

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

Rebelesen 5:12

Iri badeh, ayah wari boto-on labai, ma boho iri iu ili loken mara-ei i buku doh: “Iy ndramak kede-eh badeh, Nadu Sipsip ta Kindrei, iri lau mene adai iy imek. Iy winiyan ta akohok nyaran i tinan, iri lakou mwasin ma tanan mwasin, ma hawe boto-on mara-ei. Iy winiyan handru, lau mara-ei katudun nyaran. Kadeu sekesek ma wurah kili le tan.”

Jenesis 18:14

Lakou mari kede-eh manamun ta Laban le ai. Jo kameh eme hamon na len ta aliy amwenen udu bolo jaha eme, ma Sara kameh tuwi nah mwan.”

Rebelesen 13:8

Iri lau mara-ei badu kon munyak ale, nyara iri bado bolo buk ta Kindrei bwe, udu ndra bada len Kindrei mene amekes kon munyak, iri mara-ei doh kameh winiyan bakohok kohan handru bwe, arile iri kameh atudun nyara nyabwe ndras nane. Buk doh badeh, buk ta ndramak konen i buku Nadu Sipsip ta Kindrei, bwena mene iri lau adai iy imek.

Metiu 19:26

Eme Jises anyolom amwenen i toro, ma iy anya, “Lau winiyan bwe. Arile Kindrei winiyan mesekei lakou mari.”

Rebelesen 7:14

Jo eme tiye i tan i buku doh, “Ndramak tinan tek, ou amwenen badeh, tanam iri, jo bwe.” Ma iy asehek eme tek i buku doh, “Iri lau mwan ma badih mara-ei kede-eh mene ado bolo maha-an hawe sisi-in ame len, ma iri amak udu mine iri lau ndra-in ta bahun. Iri badeh, atehei iri budon tiri mara-ei in ta Jises le ari, ma iri akohok boto-on ta ndraye Nadu Sipsip ta amekes bahun hawe kandriyen ndra-in. Idoh i buku iri sikine awin tiri na ndrayen, ma asahan belen mara-ei.

Rebelesen 5:6

Ano badeh, jo anyolom ndramak ari, iy ales i buku Nadu Sipsip ta Kindrei. Nyolom tan i buku iri lau ndradai iy ndramak, arile iy amak eme awas ja. Iy ales udu le alih ta ka-u koyeu ta kabin, ma oro lakou ma mulin ma hahuw hawe iri batun. Kasoh tan ma ndro taloh hawe madan ma ndro taloh. Madan doh badeh, leheya i buku Malawin Mwasin ta Kindrei ma ndro taloh. Kindrei ndrasuni iri ndrala bolo kon munyak mara-ei ta amekes lahou tan.

Jenesis 22:7

Aisik ndremenya taman Abraham, “Tama?” Eme Abraham anya, “Abo naduk sasah?” “Ndro-o jih hawe jih kada-an ai, ya sipsip ta asun ta salom ndrahe bah?”

Jenesis 22:9

Eme uru ala asos kon mene Kindrei tiye tan badeh, iy eme tukumwi bek i loken ta asun. Ano badeh iy kuhi ndro-o jih i bwele-en. Ano badeh i sawei nadun Aisik badeh atehei iy i bwele-e ndro-o jih udu bada bek dah.

Jenesis 22:14

Eme Abraham tondrohani nyara kon nane doh badeh, “Kindrei Kameh Atehei.” Eme ma taku len dah aloh, “Mandrei doh badeh Laban Kameh Atehei.”