Jenesis 22:3 - Nyindrou

³ Eme Abraham amak na ma ndraben, abedei ndro-o jih ano andrei i ta asun salom eme iy atehei i bwele-e katin haka donki ma andrei Aisik hawe uru lau ta lahou tan la-uh. Eme oro adek ala kon Kindrei ndratiye tan.

Jenesis 22:3 Referans Kwoze

Metiu 10:37

“Buku lau mwan o badih aso-ok taman uru tinen, idoh mwasin, arile, ki buku none iy baso-ok jo handru bwe ja, iy winiyan basahan lau tek bwe. Ya buku ndramak aso-ok nadun mwan deh badih, mwasin ale. Arile, ki buku none iri baso-ok jo handru bwe ja, iri winiyan basahan lau tek bwe le.

Tarou ta Luk 14:26

“I buku none are lau anya ki-in hamon tek, iy badeh, karuwani tinen uru taman, ma iy karuwani udun hawe nadun oro, ma iy karuwani nadu tinen oro mwan hawe badih. Ma hawe kohan ale, iy sabwerei labai ta aliy. Ya, i buku none iy abudon iri lakou doh tinan labai, badeh, iy ma nah bwisik kahis le, ma iy winiyan basahan lau tek bwe.

Galesiya 1:16

Iy le amwenen leheyani nadun asahan eme madak, ta jo kameh katiye sahou tan mwasin kili tiri lau badu leheleh. Ya jo bala hawe ari ndramak bakohok tanan tan bwe.

Jenesis 21:14

Na ma ndraben ta len ari ja badeh Abraham kuhi nyamon rayah ma hawe bwisi gwa (amwekes na ku-i katin haka) idih na gwa atehei i mine Haga. Iy bwese-ei i nah badeh tukuni i konan ma tiye uru au. Eme iy edek leleyah ili bolo lomale an Bersiba.

Jenesis 17:23

Eme Na len doh le badeh, Abraham anuhun sahou ta Kindrei ma iy sani ku-i lakou ta Isma-el iu hawe tiri lau mwan are asiu tan ale. Iri doh badeh iri lau ta lahou tan badu bolo asiu. Iri lau ala adeu iri ado hawen ma hawe iri lau rayah ta sisih ale.

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

Jenesis 22:2

Ano Kindrei tiye, “Ou andrei Aisik, nadum ala adem handru in tan kede-eh badeh ou ala loboho Moreya. Jo kameh leheya mandrei kameh i tam ma ou asun iy ki nyara salom.”

Jenesis 22:4

Len la-uh ano ya i bada len taloh badeh Abraham atou kon nane udu len.

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”