Jenesis 22:12 - Nyindrou

¹² “Ou sadai iy ma ou samwekes sasah sala tan, jo badeh tanan, ou badeh anoh Kindrei labai, eme ou basolo-ei nadum bwe.”

Jenesis 22:12 Referans Kwoze

Jemis 2:18

I buku ari ndramak anya, “Lau rayah badeh, tawi ihis budon handru, arile lau rayah ja badeh, amekes kandriyen mwasin. Sebwe budon ma la-uh doh i le randra.” Jo kasehek ki buku doh, “Buku none ou atehei budon tam boto-on i ta Kindrei, arile ou tanam ta amekes kandriyen mwasin bwe, ki buku sah handru jo ki tanan kandriyen ta budon tam in ta Kindrei nane? Arile, jo anya kamekes kandriyen mwasin ale, ya kandriyen mwasin doh kameh leheyani budon tek boto-on in ta Kindrei nane.”

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

Metiu 19:29

Ya are mwan ma badih ale abudon nyarak, ma iy ruwani asiu tan ma nadu tinen mwan ma buru-un, ma taman uru tinen, nadun ma bilin tan, iy kameh akohok ndramas buku san rinek (100) ja i la-un, ma akohok kohan mwasin ta ereu le buku doh.

Jenesis 26:5

tasah Abraham badeh anuhun bohok ma hawe anuhun batanau tek.”

Jenesis 22:2

Ano Kindrei tiye, “Ou andrei Aisik, nadum ala adem handru in tan kede-eh badeh ou ala loboho Moreya. Jo kameh leheya mandrei kameh i tam ma ou asun iy ki nyara salom.”

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

La-ukei ta Pol atorou ili tiri lau badu kon Rom 5:8

Arile, taha mene are ndra bolo iri kandriyen ndra-in kahis le badeh, Krais eme akohok kon tataha, ma iy imek ta aliy. Ta san doh, Kindrei leheyani iri tikisiy ma so-ok tan eme tataha badeh, tinan labai ja.

2 Korin 8:12

Buku aha aso-ok labai ta adeu lakou, mwasin, Kindrei aso-ok kandriyen badeh. Iy babudon ta lakou aha andriliu ta aliy, bwe. Iy abudon ta lakou badu bolo lokowa aha amwenen, ma iy sekesek le ta ndramas doh aha adeu.

Aposel 9:31

Ano iri lau ta budon handru badu loboho Judiya, Galili hawe Samariya sekesek handru ta iri babwese isi ja bwe. Iri badeh, abadok ma ales boto-on na boto-on ta Malawin Ndrabun. Ma eme, kane iri i sola ma iri anoh Kindrei, eme ma iri atudun iy.

Metiu 16:24

Eme Jises tiye toro lau tan i buku doh, “Buku none ari ndramak anya ki-in hamon tek, mwasin, iy kamani iri so-ok tan mari, ya iy kabwese-ei kei tondreh tan, ya iy ki-in hamon tek.

Jenesis 20:11

Eme Abraham anya eh, “Jo abudon le i buku doh, iri lau badu kon dah banoh Kindrei bwe, eme i dah kameh iri kadai jo, tasah na uduk.

Hiburu 12:28

Ya, taha kadeu wurah kili ta Kindrei, tasah taha ndrasahan iri lau ta are bahandra tondrok ari, badeh, winiyan bandrokonya ma babwidiy bandra-i bwe. Taha badeh katudun nyaran ki-in hamon ta kandriyen iy amwenen aso-ok; taha kanoh ma kabeleben iy,

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Hiburu 11:19

Abraham tanan, idah kameh Kindrei winiyan mete-ei Aisik imek, winiyan amak ja. Taha kasehek kundruh kili buku doh: Abraham ndrandrei nadun Aisik imek udu bolo lek ndrame loken ja.

Jenesis 42:18

Ano na len taloh badeh Josep tiye i toro, “Jo badeh ndramak ta inoh Kindrei, ado kamwekes lahou doh ma ado kameh bamak bwe:

Rebelesen 19:5

Ano, nyaro boho ndramak ari udu loboho bada koyeu ta Kindrei asehek i buku doh, “Aha lohowan ta Kindrei, aha katudun iy, aha hawe iri mwan ma badih nyara iri tinan, ma aha lau nyara aha bwe, ma aha anoh iy. Aha mari badeh, katudun nyara Kindrei le ari!”

Jenesis 22:13

Eme Abraham madan eme loken badeh iy anyolom katin haka rem badeh andra batun badeh malou sakabwitiniy iy. Eme iy ruwani Aisik, iy ili badeh tawi rem dah eme, akohok kon ta Aisik ta salom.