Jenesis 22:1 - Nyindrou

¹ Udu hamon ta aliy badeh Kindrei none Abraham. Eme iy tiye i tan, “Abraham!” Eme Abraham anya eh, “Jo kada-ah.”

Jenesis 22:1 Referans Kwoze

Hiburu 11:17

Abraham atehei budon tan mara-ei handru in le ta Kindrei, kabatana Kindrei mene none iy. Kindrei mene tiye Abraham, ta iy katehei nadun Aisik ki nyara salom, eme ma Abraham anya kedeu nadun ari le nane doh ki nyara salom kili ta Kindrei. Handru, Kindrei mene ndratandrakan iy i buku doh, “Lundriyem oro hamon kameh asahan solo-an labai, in hamon ta san ta nadum Aisik amwenen.” Jenesis 21:12 I buku iy kidi Aisik, ano iy katehei iy ki buku salom kili ta Kindrei, badeh, iy ndrasani san ta lundriyen oro ta asola ndra-au. Arile, bwe, Abraham badeh atehei budon tan abadok labai in ta Kindrei, eme ma iy anya kedeu Aisik ki nyara salom kili ta Kindrei.

1 Pita 1:7

Iri maha-an doh badeh, ta none iri budon taha le. Idoh i buku none le bek nyikilikin iri aloh gol; gol doh badeh, lakou ari mwasin labai. Arile, iri asun na jih ta none gol handru deh, bwe. Ma iri budon tataha badeh, sakalawi gol nane ja. Tasah, gol kameh andra-i. Handru, budon tataha badeh, buku none gol nane, arile Kindrei badeh, baso-ok gol nane bwe. Tasah, gol badeh, lakou badu kon munyak, ma gol kameh andra-i. Arile, Kindrei aso-ok budon taha boto-on ki-in tan. Eme ma, iy ndraruwani minen sese ta la-u taha, ma iri maha-an solo-an ndrasahan taha. Idoh, ta none aha le, buku aha an hamon ta Krais deh bwe. Na len Jises eme hamon, iri lau mari badu kon munyak kameh anyolom iy. Ma, i buku none aha ndratehei budon taha boto-on in tan, iy kameh kuhi aha ala bolo nyosowan mwasin. Ma iy kameh sekesek taha handru, ma bwese-ei nyara aha ili loken handru.

Jemis 2:21

Bwena mene tubu taha Abraham atehei nadun Aisik i bwele-e mada koto-ok anya ki nyara salom ki ta Kindrei. Eme ma, udu kabatana doh badeh, Kindrei anyolom lahou tan, ma iy aloh Abraham ndramak mwasin labai ta madan.

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

Jenesis 22:11

Angelo ta Laban aloh udu kandrah eme anya, “Abraham! Abraham!” Eme Abraham anya, “Jo kada-ah.”

Jenesis 22:7

Aisik ndremenya taman Abraham, “Tama?” Eme Abraham anya, “Abo naduk sasah?” “Ndro-o jih hawe jih kada-an ai, ya sipsip ta asun ta salom ndrahe bah?”

Jenesis 15:1

Ano hamon ja badeh lele asahan ta Abram, eme iy anuhun Laban tiye i tan, “Abram, ou sanoh! Jo kameh i turuk tam ma jo kameh edeu nyosowan tinan labai i tam.”

Jenesis 21:11

Eme Abraham abudon la bwe, tasah iy badeh nadun le.

Jenesis 37:13

Eme badeh Jekop tiye i ta Josep, “Ou tanam nadu tinem oro badeh atiye iri katin haka badeh aimon bwidiu ado mirihik ta Sekem. Ou ame, jo anya kaseken ou a hawe oro.” Eme iy anya, “Mwasin jo aseken.”

Jenesis 46:2

Eme badeh, na ben udu bolo ameh Kindrei asehek sahou i tan anya, “Jekop ei!” Eme Jekop asumon anya, “Jo kada-ah!”