Jenesis 21:2 - Nyindrou

² Eme udu bada Abraham i alon badeh, Sara ndrinen i tinan ma iy tuwi nah mwan i nadun. Amwenen le ta len mene Kindrei tandrakan iy.

Jenesis 21:2 Referans Kwoze

Hiburu 11:11

Abraham ndrasahan alon kabwe, ma Sara ale winiyan bato-ou nah bwe, arile Abraham atehei budon tan mara-ei handru udu ta Kindrei le ari, iy ta amekes iri lakou marakon badeh, in hamon le tiri tandrakan tan mwena. Eme ma Sara tuwi nadun mwan.

Galesiya 4:22

Udu bolo buk ndrabun ndratorowenei i buku doh: Abraham nadun mwan ma la-uh. Iy ari, asahan ta udun amwenen Sara, ya iy ari, asahan ta lohowan tan Haga.

Aposel 7:8

Ano, Kindrei amekes sahou randra le ta nyala asan ku-i lau i ta Abraham. Eme Abraham asahan tama Aisik, ma tinen atehei iy eme len ano. Len tan asahan ndru la-uh badeh, taman Abraham sani ku-in. Ano Aisik badeh, atehei Jekop, ya Jekop asahan tama tubu taha oro ma ronoh la-uh.

Tarou ta Luk 1:36

Ou tanam boram Elisabet, iri asehek anya iy kameh nadun bwe; iy badeh, ndra alon labai. Arile na len dah badeh, nah udu tan bun tan ndrasahan onoh ai.

Jenesis 18:14

Lakou mari kede-eh manamun ta Laban le ai. Jo kameh eme hamon na len ta aliy amwenen udu bolo jaha eme, ma Sara kameh tuwi nah mwan.”

Jenesis 18:10

Ano Laban anya eh, “Jo kameh eme ja, na bolo jaha eme, ma udum Sara kameh nah udu ndrinen.” Ya Sara badeh udu mada san ta asiu balei udu konan.

Jenesis 17:19

Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.

Jenesis 17:21

Arile jo kameh bamani sahou randra le hawe nadum Aisik bwe. I dah kameh adeu iy na jaha eme.”

La-ukei ta Pol atorou ili tiri lau badu kon Rom 9:9

Tasah, tandrakan mene tiye i buku doh: “Na len jo ndrasaniy kameh jo eme hamon, ma Sara kameh atehei nah mwan eme len.” Jenesis 18:10,14