Jenesis 20:2 - Nyindrou

² eme badeh Abraham tiye anya Sara badeh nadu tinen. Ano kabin badu Gerar nyaran Abimelek atehei sahou ili andrei Sara ili.

Jenesis 20:2 Referans Kwoze

Jenesis 12:15

eme iri lau ta lahou badu bolo asiu ta kabin anyolom iy badeh konen labai, eme iri ala asehek i ta kabin, eme ma iri andrei iy ili loboho ndrahu kabin.

Jenesis 26:7

Eme oro lau badu kon doh badeh ndremenya Aisik ta udun, eme iy badeh inoh, ma iy anya, “Iy badeh nadu tine.” Iy lomondra badeh i buku doh, Rebeka badeh konen labai eme koro-an iri lau badu kon doh kadai iy, tasah na Rebeka.

Kolosi 3:9

Aha badeh, sawendreya iri mwan ma badih ta Kindrei. Tasah, ta koha aha, aha ndraruwani iri kandriyen marakon ta ndrine aha malen ndra-au.

Epesus 4:25

Eme ya, aha sasehek sahou wasai ja ai. Aha kasehek le sahou handru kili tiri mwan ma badih, tasah aha ado bada ndramak ari le.

Jenesis 26:16

Ano Abimelek anya, “Aisik, ou au ta mada aso; ou badeh tam lakou solo-an labai ma hawe ou ndra boto-on labai.”

Jenesis 26:1

Ano badeh munyak doh nyamon bwe, i buku none len bwena Abraham mene i ndra loken. Eme Aisik badeh ili hawe kabin badu Pilistin, Abimelek udu Gerar.

Jenesis 20:12

Arile iy badeh nadu tine handru. Iy badeh nadu tama arile, nadun ta tine ta tewedeu jo bwe, eme badeh jo sudi iy.

Jenesis 21:22

Na len doh badeh Abimelek hawe Pikol ndramak ta mwena ta bahun tan tiye i ta Abraham, “Sasah ou amwekes badeh Kindrei udu hawem.