Jenesis 19:5 - Nyindrou

⁵ Eme iri aloh Lot, “Oro lau ame na ben nane ndraheh? Oro kameh manan aso anya katou oro!”

Jenesis 19:5 Referans Kwoze

La-ukei atorou Jut 1:7

Bwena mene iri lau badu Sodom hawe Gomora ma oro kon mirihik turu, oro mesekei kandriyen buku le oro angelo nane, oro an hamon ta kandriyen ndra-in, ya oro amekes kandriyen ta karei ndra-in labai, ya Kindrei atehei jih eme andri sulumwi kon tiri. Iri lakou doh asahan bwena, ya taha kabudon, ma taha sa-en hamon ta kandriyen ndra-in tiri doh. Iri ale kameh ala bolo jih doh ta winiyan bamak bwai.

1 Timoti 1:10

Ya kandriyen malen badeh, ta leheya iri lau ta karei, hawe i tiri lau mwan amekes mwan, ya i tiri badih amekes badih, ma i tiri lau ta bahana iri ndramak, ma hawe i tiri lau ta wasai, hawe i tiri lau ta wasai ta tandrakan handru i loken. Ma hawe i ta saba kandriyen bamwenen ta sahou handru bwe.

1 Korin 6:9

Aha tanan bwe nadeh? Iri lau ale ta amekes iri kandriyen ndra-in doh, iri kameh winiya bala bolo tondrok ta Kindrei bwe. Aha sawendreya ndrine aha amwenen. Iri lau marakon ale amekes kandriyen ndra-in ta karei, iri lau ale asolom ili ta sukumada kei, iri lau ale amekes karei hawe iri badih tasou, iri lau ale ta amekes iri kandriyen ta bwilima udu aliy hawe iri lau rayah ja,

2 Timoti 3:13

Ma iri lau ndra-in ale kameh amekes kandriyen ndra-in mara-ei ja. Eme ma iri lau ta wasai kameh wendreya iri lau. Balik ale kameh wendreya iri lau ta wasai doh, ma kandriyen tiri kameh asahan ndra-in mara-ei ja.

2 Pita 2:2

Iri lau solo-an labai kameh a-en hamon ta kandriyen ta karei ma lomondra ndra-in tiri, ma bwidi iri lau rayah ja amekes sahou wasai ili bolo sahou handru.

2 Pita 2:7

Arile, Lot badeh, ndramak mwasin labai ta mada Kindrei, eme Kindrei sebenei iy. Lot anyolom kandriyen ta karei iri mwan le amekes iri, bwilin ama, ma bolo odan eden ta aliy hawe iy liliy. Iri amekes ndra-in labai, ta mada lau mari anyolom badeh, bamwenen ta mada Kindrei bwe.

Jenesis 19:6

Eme Lot sulu-i kou ano iy eme manan, ma atuwi kou ili.