Jenesis 18:2 - Nyindrou

² Iy anyolom oro le badeh iy sakaliye ili aturuk oro ano iy aluh i andri, bulin i ta bada munyak.

Jenesis 18:2 Referans Kwoze

Hiburu 13:2

Aha samaniy ta asumon iri lau badu kon leheleh ame bolo kon tam. Aha ndratanan, bwena mene iri lau rayah amekes i buku aliy, ma iri andrei iri angelo rayah ala asiu hawe iri, ma tondrokei iri. Arile, iri bala tanan ta angelo eme bwe, iri anya ndra ndramak awas le ai.

Jenesis 18:22

Eme uru lau dah au ala Sodom, arile Abraham le ales udu le mada Laban udu.

Jenesis 19:1

Lot badeh manyah udu mada san ta i bolo kon na beyeh, eme badeh uru Angelo la-uh asahan hawen. Iy anyolom uru le badeh iy edek ili hawe uru ma akor ma bulin i andri bada munyak.

Jenesis 23:7

Ano badeh iy ales ma iy aluh i andri mada iri lau mari badu Hita ta munyak tiri.

Jenesis 44:14

Oro ame hamon ame asiu badeh, Josep udu aliy le kahis. Eme oro aluh andri i tan,

Jenesis 43:28

Eme oro tiye, “Laban, tama aso badeh bamak bwe le, iy badeh boto-on tan kahis le.” Ano oro aluh andri i tan.

Jenesis 43:26

Ano Josep eme asiu badeh oro andrei iri lakou nane anya ki tan dah ki bolo asiu hawen. Eme oro ala aluh andri bada munyak i tan.

Jenesis 32:24

Jekop le ari badeh in hamon, eme badeh ndramak ari ili badeh uru akek, uru akek winiya le kon aleu.

Jenesis 18:16

Ano badeh oro lau dah au, adek ala, ano oro anyolom eme andri ta Sodom ma Abraham atiye oro ma anyolom oro au.

Tarou Ta Nyala Rut 2:10

Ano Rut atubwa bwilindru-un ma bwilin ili andri ta munyak, ma iy anya, “Jo badih leheleh labai, buku sah ou anyolom jo, ma ou amekes mwasin eme tek?”

1 Pita 4:9

Ya, buku none iri lau ra-on ja ta Kindrei ame areu hawe aha, mwasin, aha katondrok iri kamwenen. Ndrine aha sandra-i ta amekes kandriyen mwasin i tiri.

La-ukei ta Pol atorou ili tiri lau badu kon Rom 12:13

Ou anyohan lakou ki toro lau ta Kindrei, i buku none oro andriliu ta lakou. Ma ou asumon iri lau badu heh, badu heh kawek asiu.

Jenesis 17:3

Eme Abram aluh i andri ma bulin i andri bada munyak, ano Kindrei anya eh,

Jenesis 18:3

Ano iy anya eh, “Laban, ado sa-au ta kon tek, ado kado; jo dah ta atondrok ou.

Jenesis 24:63

Iy edek leleyah ili lobwidiu na beyeh eme madan anya kili badeh iy anyolom iri kamel adek ame mirihik.

Jenesis 23:12

Eme ja badeh Abraham aluh i andri udu mada iri lau mari ta munyak dah.

Jenesis 42:6

Eme Josep badeh atondrok munyak mari badu Ijip, ya iy badeh edeu kalom ta sisih i tiri lau mari badu kon munyak. Eme nadu tine Josep oro ame badeh aluh andri bada munyak i ta Josep.

Jenesis 48:12

Ano badeh Josep bwese-ei uru ado bada ba Jekop, ano iy aluh kandrun i andri bada munyak udu mada taman.