Jenesis 17:7 - Nyindrou

⁷ “Jo kameh balek winiyan bamani tandrakan tek i tam ma hawe i ta lundriyem oro na len, eme, eme, bwe. Sahou randra le dah, winiyan ta bano bwe. Jo kameh asahan Kindrei tam ma Kindrei ta lundriyem oro.

Jenesis 17:7 Referans Kwoze

Jenesis 26:24

Eme na ben doh badeh Laban asahan hawen tiye, “Jo dah badeh jo Kindrei ta tamam Abraham. Ou sanoh, jo udu hawem; tasah ta i lau ta lahou tek Abraham le, jo kameh atehei nyosowan i tam ma jo kameh edeu kane lundriyem oro kameh a sola.”

Aposel 2:39

Ya tandrakan ta lakou doh badeh, i tado ma hawe i ta nadu ado oro, ma i toro lau badu len. Idoh i toro lau heh Kindrei aloh oro ame hawen.”

Jenesis 15:18

Ano ma kabatana doh badeh, Laban amwekes sahou randra le hawe Abram, ano Kindrei tiye, “Jo badeh tandrakan ta edeu munyak i ta lundriyem oro badeh, kobek tan badeh udu Ijip ili taku gwa Yupretis,

Hiburu 8:10

Jo Laban, jo kameh asehek sahou randra le dah hawe iri lau badu Isra-el na len eme: Jo kameh atehei kandriyen tek ili bolo budon tiri, ano kameh jo torowenei iri sahou tek udu bwele-e ade iri. Jo kameh asahan Kindrei tiri, eme iri kameh asahan iri lau mwan ma badih tek.

Hiburu 11:16

Arile, koha iri ndrapwe ta ala kon mwasin labai ja udu kandrah. Ta idoh le, Kindrei bwilin bama ta iri aloh iy Kindrei tiri bwe. Tasah, iy ndranyuri kon tinan labai ta iri ala ado aliy.

Jenesis 28:13

Eme udu bwele-e kandren badeh Laban udu aliy tiye, “Jo dah jo Laban Kindrei ta tamam Abraham ma Kindrei ta Aisik. Jo kameh edeu munyak ou amadin ado aliy dah kameh i ta lundriyem oro.

La-ukei ta Pol atorou ili tiri lau badu kon Rom 9:4

Iri badeh, lau tan amwenen, lau badu Isra-el. Iri mene batehei budon tiri ba-en tan bwe, arile iy mene mesekei iri asahan nadun ta nyo-ou, ma edeu lomadan ma boto-on tan mwasin i tiri. Iy mene amekes sahou randra le ma hawe edeu batanau malen, ma hawe leheya san ta asalom ma atudun handru udu bolo asiu tinan tan. Iy amekes iri lakou mwasin doh i tiri hawe edeu tandrakan i tiri.

Tarou ta Mak 10:14

Eme Jises seleyaniy, ma iy ibolosen i toro lau tan, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh.

Metiu 22:32

‘Jo Kindrei ta Abraham, ta Aisik, ma ta Jekop.’ Eksodus 3:6 Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le.”

Epesus 2:2

Ya, kala len doh badeh, aha an ndra hamon ta kandriyen ndra-in badu kon munyak. Aha an ndra hamon ta tinan tiri malawin ndra-in balik. Na bolo len dah, malawin ndra-in doh edek ili bolo ndrine iri mwan ma badih ale, ta tebelese sahou ta Kindrei, ma iy atondrok iri.

Jenesis 6:18

Arile jo kameh amwekes sahou randra le hawem. Ano ou a ndron hawe udum, hawe nadum oro ma udu oro.

Jenesis 17:13

Ado ari ari badeh kasan ki-iu eme ya mada lau kanyolom i dah badeh kalem ta leheya sahou randra le tek ma ou badeh udu le buku doh.

Jenesis 17:19

Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.

Jenesis 9:16

Ya buku none betekenyabwiu asahan bolo asi kandrah ya i buku jo anyolom kameh, jo kameh lomondrani sahou randra le tek hawe iri mulin mari badu munyak.