Jenesis 17:16 - Nyindrou

¹⁶ Jo kameh edeu nyosowan i tan ma iy kameh atehei ari nah i tam. Jo kameh atehei nyosowan i tan ma iy kameh asahan tine iri lau mari badu kon rakon buruwen, ma kabin kameh asahan ta lundriyen oro.”

Jenesis 17:16 Referans Kwoze

Jenesis 35:11

Eme badeh Kindrei tiye i tan, “Jo dah jo Kindrei, jo tek boto-on labai. Ou badeh amwekes nah ma sola. Iri nah badu kon munyak tinan kasahan ta lau tam, ma ou badeh tama iri kabin na len hamon kameh asahan.

Jenesis 17:6

Jo kameh edeu lundriyem oro a sola, eme oro rayah kameh asahan kabin.

1 Pita 3:6

Buku none Sara, iy anuhun sahou ta Abraham, ya iy aloh Abraham, “Ou Laban tek.” Ya na dah, aha nadun ale, buku none aha amekes kandriyen mwasin i buku le iy. Ma aha winiyan banoh ta udu aha bwe, buku none iri anya ka-um aha ta kandriyen mwasin taha.

La-ukei ta Pol atorou ili tiri lau badu kon Rom 9:9

Tasah, tandrakan mene tiye i buku doh: “Na len jo ndrasaniy kameh jo eme hamon, ma Sara kameh atehei nah mwan eme len.” Jenesis 18:10,14

Jenesis 24:60

Ano oro batanau ma tiye tan, “Nadu tine aso, lundriyem kasahan sola wa-iralou ano wa-iralou, ma lundriyem oro kadai lau ta amwekes lomondra ndra-in i toro!”

Jenesis 12:2

Jo kameh edeu lundriyem oro asahan solo-an ma i dah kameh oro asahan kon rakon buruwen. Ya i dah kameh, jo nyosowani ou ma nyaram kameh lau mari i tanan ma nyosowan kameh i tiri lau.

Jenesis 1:28

Ano badeh iy atehei nyosowan i turu ma tiye i turu i buku doh, “Ah badeh kamwekes nah ya lundriye ah oro kaweleyani kon munyak mari ma kado katondrok. Ma jo atehei ah badeh katondrok iri ni katondrok iri sirih ma hawe iri katin haka ndriliu.

Galesiya 4:23

Eme, nah badu ndrine lohowan tan, adeu iy eme len i buku none iri adeu nah eme len kede-eh. Arile, i nah ta udun handru, adeu iy eme len in hamon le ta tandrakan ta Kindrei.

Jenesis 17:15

Ano Kindrei tiye ta Abraham, “Ou badeh saloh udum Sarai ja ai; na dah ma na len eme badeh ou aloh Sara.

Jenesis 17:19

Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.

Jenesis 21:1

I buku none Kindrei mene ndrasehek ma ndratandrakan ndra-au ta iy badeh tikisiy Sara labai,

Jenesis 25:23

Eme Laban tiye i tan, “Kon tinan munyak badeh udu ndrinem, Ma uru lau ma la-uh ado ndrinem kameh atalan; Iy ari kameh i boto-on labai ja ta iy ari, Ma iy bwele-en kameh i ta asore i bahan.”

Jenesis 36:31

Oro lau dah asahan kabin tiri Idom udu bwena len iri Isra-el ari basahan kabin bwe le.

Jenesis 15:4

Ano iy anuhun Laban tiye tan ja, “Eliyesar lohowan tam badeh kameh batondrok lakou tam bwe, i dah kameh nadum amwenen kameh atondrok.”