Jenesis 17:1 - Nyindrou

¹ Na len Abram jaha tan asahan ndro ronoh ndro ari (99), Laban badeh asahan hawen tiye, “Jo dah jo Kindrei jo tek boto-on. Ou anuhun jo ma len mari badeh ou amwekes kandriyen mwasin le.

Jenesis 17:1 Referans Kwoze

Pilipai 4:13

Tasah, jo winiyan amekes lahou mari na boto-on tan iy edeu eme tek.

Epesus 3:20

Boto-on tan ibo gok ta koha taha. Boto-on doh winiyan tubuluhi salom ma budon tataha, ma winiyan amekes gok tinan handru.

Jenesis 6:9

Ya i dah badeh nyala Nowa ai. Nowa badeh nadun mwan badeh taloh; Sem eh, Ham eh, hawe Jepet. Nowa bamwekes se lakou bandra-i bwe ai, na len iy udu loken. Iy badeh anuhun sahou ma lakou mari mwasin ta Kindrei badeh iy in hamon ta aliy le ai.

Tarou ta Luk 1:6

Uru ma la-uh badeh, bamekes se kandriyen ndra-in bandra-i ta mada Kindrei bwe. Uru badeh, an hamon handru ta sahou batanau ta Laban, ma an hamon ta kandriyen ta Laban mari.

Metiu 5:48

Ou ado le mwasin handru i le buku tamam udu kandrah udu le mwasin handru.”

Jenesis 18:14

Lakou mari kede-eh manamun ta Laban le ai. Jo kameh eme hamon na len ta aliy amwenen udu bolo jaha eme, ma Sara kameh tuwi nah mwan.”

Metiu 19:26

Eme Jises anyolom amwenen i toro, ma iy anya, “Lau winiyan bwe. Arile Kindrei winiyan mesekei lakou mari.”

Jenesis 28:3

Ma Kindrei badeh kudu hawem ma katehei nyosowan ki la-um ma lundriyem ki sola ma kasahan lau rakon buruwen.

Jenesis 35:11

Eme badeh Kindrei tiye i tan, “Jo dah jo Kindrei, jo tek boto-on labai. Ou badeh amwekes nah ma sola. Iri nah badu kon munyak tinan kasahan ta lau tam, ma ou badeh tama iri kabin na len hamon kameh asahan.

Hiburu 7:25

Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Hiburu 12:28

Ya, taha kadeu wurah kili ta Kindrei, tasah taha ndrasahan iri lau ta are bahandra tondrok ari, badeh, winiyan bandrokonya ma babwidiy bandra-i bwe. Taha badeh katudun nyaran ki-in hamon ta kandriyen iy amwenen aso-ok; taha kanoh ma kabeleben iy,

Aposel 24:16

Eme ma, na len mari, jo aseken budon tek badeh, kaleu, ma jo ki-in hamon ta kandriyen mwasin ta ere mada Kindrei, ma hawe iri lau badu munyak.

Jenesis 48:15

Ano Jekop edeu nyosowan i la-u Josep: “Kindrei ala tama Abraham, tama Aisik ta atudun badeh katehei nyosowan ki la-u uru nah dah! Ma Kindrei ala udu hawek atondrok jo eme eme taku na len dah katehei nyosowan ki la-u uru le!

Jenesis 12:1

Ano Laban tiye i ta Abram, “Ou au ta munyak tam ma ou au ta lowam oro hawe asiu ta tamam ya ou au ai, ala kon munyak jo kameh leheya tam.

Jenesis 5:24

Iy anuhun sahou ta Kindrei ma iy in hamon ta Kindrei handru; ano iy amai leleyah, Kindrei kuhi iy iu.

Aposel 23:1

Pol anyolom amwenen mada iri kansol mara-ei, ma iy anya, “Aha nadu tine, Kindrei badeh, ndranyolom iri kandriyen tek mari na bolo len mara-ei, ndrabwena eme asahan dah. Jo batona ari kandriyen ndra-in jo amekes bwe.”

Jenesis 18:1

Ano na len, kon i nyarahan badeh Abraham eme manyah udu mada san ta asiu balei tan, eme ya Kindrei asahan hawen. Madan eme loke badeh iy anyolom lau taloh badeh ales.

Jenesis 12:7

Eme Laban asahan hawe Abram ma iy tiye i tan i buku doh, “I dah kon munyak kameh jo edeu i ta lundriyem oro ai.” Ano Abram tukumwi bek i ta Laban mene asahan hawen.

Jenesis 16:16

Na len doh badeh Abram jaha tan ndru lunoh onoh (86).

Jenesis 5:22

Ano hamon ta aliy badeh Inok badeh in hamon ta sahou ta Kindrei winiya jaha tonek (300), ma nadun rayah ja asahan.

Jenesis 24:40

“Eme iy tiye, ‘Laban, ala jo edek hawen dan badeh kameh barasuni angelo tan barawek hawem ma i dah kameh tedek tam udu mwasin, ma ou kameh winiyan andrei ari badih eme ta naduk badu boho kamen tek amwenen badu hawe lowa tama.

Jenesis 26:2

Eme badeh Laban asahan hawen tiye, “Ou sala Ijip, ou manyah ado munyak jo ndrasehek tam.

Jenesis 43:14

Laban Kindrei kamwekes ndramak doh katikisiy ado, ya i katehei Benjamin hawe nadu tine ado Simiyon keme hamon hawe ado. I buku none naduk uru jo maniy uru, badeh jo winiyan babwidiy se lakou bwe.”

Jenesis 46:3

Eme iy anya, “Jo dah jo Kindrei, Kindrei ta tamam. Ou sanoh ta ala Ijip; jo kameh amwekes lundriyem oro kameh asola ma asahan kon rakon buruwen udu doh.

Jenesis 48:3

Ano Jekop tiye i ta Josep, “Kindrei tinan badeh asahan hawek udu kon Lus udu munyak Kenan badeh atehei nyosowan eme tek.