Jenesis 15:5 - Nyindrou

⁵ Eme Laban kuhi iy eme manan ma tiye, “Ou anyolom ki loke bada kandrah ya none ou ondrek ndrau se, ou kameh lundriyem oro kameh i solo-a ndrau don.”

Jenesis 15:5 Referans Kwoze

Hiburu 11:12

Handru, Abraham ndrasahan alon ai, ma iy ari nadun bwe. Ma iy ale mirihik ta imek, arile lundriyen iri badeh, ndrasahan solo-an labai, i buku le iri ndrau anya udu kandrah, ma i buku le on udu bada babi, ari ndramak winiyan bandromwei bwe.

La-ukei ta Pol atorou ili tiri lau badu kon Rom 4:18

Abraham jaha tan solo-an labai ma nadun bwe, arile iy atondrok Kindrei le gwek, ma iy atehei budon handru, ta Kindrei kameh atehei iy i tama iri lau solo-an. I san doh le badeh, iy asahan tama lau solo-an badu kon munyak. I le buku iy mene ndrasehek tan i buku doh, “Lundriyem oro kameh nyaran bwe.” Jenesis 15:5

Jenesis 12:2

Jo kameh edeu lundriyem oro asahan solo-an ma i dah kameh oro asahan kon rakon buruwen. Ya i dah kameh, jo nyosowani ou ma nyaram kameh lau mari i tanan ma nyosowan kameh i tiri lau.

Jenesis 28:14

Lundriyem oro kameh a sola i buku none kasu ndren badu munyak ma oro kameh aseker ala kum, ala lan, ma loboho an i andri. Iri lau mari badu munyak kameh jo edeu nyosowan i la-u iri tasah na ou hawe lundriyem oro.

Jenesis 26:4

Jo kameh amwekes lundriyem oro a sola, solo-a ndrau badu kandrah ma edeu munyak mari dah i toro, ma eme iri kon munyak tinan mari kameh ndremenya jo ta kadeu nyosowan ki la-u iri, i buku none jo edeu nyososwan i ta lundriyem oro dah,

Jenesis 16:10

Ano iy tiye, “Jo kameh edeu lundriyem oro a sola, winiya ari lau bandromwei bwe.”

Jenesis 17:2

Jo kameh amwekes sahou randra le hawem ma edeu lundriyem oro a sola.”

Jenesis 32:13

Eme iy amadin ben ari eme badeh iy atehei lakou ta adeu i ta nadu tinen Iso: