Jenesis 15:1 - Nyindrou

¹ Ano hamon ja badeh lele asahan ta Abram, eme iy anuhun Laban tiye i tan, “Abram, ou sanoh! Jo kameh i turuk tam ma jo kameh edeu nyosowan tinan labai i tam.”

Jenesis 15:1 Referans Kwoze

Jenesis 26:24

Eme na ben doh badeh Laban asahan hawen tiye, “Jo dah badeh jo Kindrei ta tamam Abraham. Ou sanoh, jo udu hawem; tasah ta i lau ta lahou tek Abraham le, jo kameh atehei nyosowan i tam ma jo kameh edeu kane lundriyem oro kameh a sola.”

Tarou ta Luk 12:32

“Ado marakou sanoh! Tama ado Kindrei badeh, sekesek tado labai, eme ado kameh atondrok lakou hawen.

Tarou Ta Nyala Rut 2:12

Laban Kindrei tiri Isra-el kasihinei ou, ta iri lahou ou ndramwesekei. Ou ado bahandran ma iy kameh turukiy ou udu mwasin, i buku nadu kakaro udu bahandra bani tinen.”

Tarou ta Luk 1:13

Arile angelo dah tiye i tan, “Sekaraya, ou sanoh. Kindrei ndranuhun salom tam, udum kameh atehei nah mwan ari. Eme ou tondrohani nyaran ki Jon.

Jenesis 21:17

Eme Kindrei anyolom i nah dah eden, eme badeh Angelo ta Kindrei udu kandrah aloh i ta Haga, “Ou ndra buku sah badeh? Ou sanoh, Kindrei badeh ndranuhun i nah eden kede-eh.

Tarou ta Luk 1:30

Eme angelo dah anya, “Mariya, ou sanoh. Kindrei badeh, sekesek tam handru.

Metiu 8:26

Jises tiye i buku doh, “Ado budon tado nadu bwisik labai, i buku sah ado anoh tinan labai?” Ano iy suri iy eme loken, ma tiye sahou boto-on i ta siyer ma hawe bayau, eme ma siyer ma bayau amondrei i le rasan.

Rebelesen 1:17

Jo anyolom le iy badeh, ma jo taku ili bada katin, jo ndramak ndra buku bada kei. Iy atehei minen salin eme bwele-ek ma iy asehek sahou eme tek i buku doh, “Ou sanoh! Jo ma bwena labai, ma jo ndrobek handru!

Hiburu 1:1

Bwena mene Kindrei asehek sahou ili ta tubu taha iri san solo-an, ma i san solo-an labai ili tiri propet.

Aposel 10:22

Eme oro lau anya, “Aso dah ado hawe Koniliyus ndramak batun tiri lau ta bahun badu Rom ame dah. Iy badeh, ndramak mwasin handru ma iy badeh, inoh Kindrei labai, ma iy badeh, iri lau mari badu Isra-el aso-ok iy tinan labai. Angelo ndrabun badeh, tiye tan ta ou ala asiu tan, ya eme iy kanuhun sahou badu bohom.”

Metiu 28:5

Arile angelo nane asehek sahou ili turu badih nane anya, “Ah sanoh, jo tanan ah takaleh Jises, mene iri tatahi iy i bada kei tondreh.

Jenesis 15:2

Arile Abram anya eh, “O Laban Kindrei, jo kada-ah nah bwe, ya saba lakou mwasin kameh ou kameh atehei eme la-uk? Lau ta atondrok lakou tek badeh Eliyesar badu Damaskus.

Jenesis 15:4

Ano iy anuhun Laban tiye tan ja, “Eliyesar lohowan tam badeh kameh batondrok lakou tam bwe, i dah kameh nadum amwenen kameh atondrok.”

Jenesis 31:7

arile tama ah badeh mwesekei wasai san ronoh ta anya kisih jo; eme Kindrei badeh bamwesekei lomondra ta amwekes isi eme tek bwe.

Jenesis 22:1

Udu hamon ta aliy badeh Kindrei none Abraham. Eme iy tiye i tan, “Abraham!” Eme Abraham anya eh, “Jo kada-ah.”

Jenesis 22:20

Ano udu len hamon badeh Abraham anuhun nadu tinen Nahor udun Milkah badeh atehei nadun ma ndru la-uh: