Jenesis 13:11 - Nyindrou

¹¹ Eme Lot badeh solo-ei nyamak mari badu Jordan badeh i tan, eme iy iu i loboho lan ai. I dah sihide uru ma la-uh atalan i buku sah.

Jenesis 13:11 Referans Kwoze

Jenesis 13:9

Eme ya talu kapou talu. Ou aseken munyak loboho heh bwena? I buku none ou aseken bilisiu badeh bilisiu baden eh jo ki aliy ai.”

1 Pita 2:17

Aha kabeleben iri lau mari, ma aha kaso-ok iri lau atehei budon tiri handru in ta Kindrei. Aha kanoh Kindrei, ma kabeleben iri kabin badu kon munyak ale.

Hiburu 10:25

Taha samani kandriyen tataha ta atukum taha marakon a le se, ta atudun Kindrei. Taha sala buku iri lau rayah ndramekes, arile taha kabadok ta amekes ndrine iri lau ta Kindrei kudu mwasin. Tasah, taha ndratanan ta len ta Laban anya keme hamon ja badeh, ndrame mirihik.

Jenesis 13:14

Ano hamon ta Lot ndra-au badeh, Laban tiye ta Abram, “Kon ou are aliy baden, ou suri ou, ma ou anyolom kili keme ki jaha, ki rai, ki kum ma ki lan.

Jenesis 19:17

Eme oro ame len le badeh iy ari tiye anya eh, “Ado kabotataha batu ado! Ado sanyolom same hamon, ma ado samunyau loboho kon bwidiu udu aliy. Ado katobwak ka mandrei, bakameh ado kamak.”

Jenesis 13:10

Eme Lot anyolom ili eme iy anyolom nyamak Jordan ili isos So-ar badeh gwa solo-an i buku none bilin ta Kindrei ma i buku none munyak badu Ijip. (I doh badeh Kindrei basulumwi kon tinan Sodom hawe Gomora bwe le).

Jenesis 13:12

Ya Abram badeh udu munyak Kenan udu ai, ya Lot baden eh ili manyah udu bolo kon tinan nyamak ma manyah mirihik ta Sodom.