Jenesis 12:7 - Nyindrou

⁷ Eme Laban asahan hawe Abram ma iy tiye i tan i buku doh, “I dah kon munyak kameh jo edeu i ta lundriyem oro ai.” Ano Abram tukumwi bek i ta Laban mene asahan hawen.

Jenesis 12:7 Referans Kwoze

Galesiya 3:16

Eme ma, udu bolo buk ndrabun, Kindrei amekes i buku le aliy. Iy amekes iri tandrakan i ta Abraham hawe lundriyen oro. Sahou ta Kindrei batiye anya “toro lundriyem solo-an,” bwe. Badeh tiye, “i ta lundriyem ari” le. Jenesis 12:7; 13:15; 24:7 Ya iy doh badeh, Krais.

Jenesis 17:8

Ou badeh badu leheleh ta kon Kenan mari, jo kameh edeu i tam ma i ta lundriyem oro udu le buku doh ma jo kameh i Kindrei toro.”

Jenesis 17:1

Na len Abram jaha tan asahan ndro ronoh ndro ari (99), Laban badeh asahan hawen tiye, “Jo dah jo Kindrei jo tek boto-on. Ou anuhun jo ma len mari badeh ou amwekes kandriyen mwasin le.

Jenesis 18:1

Ano na len, kon i nyarahan badeh Abraham eme manyah udu mada san ta asiu balei tan, eme ya Kindrei asahan hawen. Madan eme loke badeh iy anyolom lau taloh badeh ales.

Jenesis 13:15

Jo kameh edeu munyak doh i tam ma lundriyem oro kameh nyaran bwe, winiya ari lau winiyan bandromwei bwe; on badeh winiyan andromwei.

Jenesis 13:4

Eme iy eme ta bek mene iy tukumwi ma iy aloh nyara Laban.

Jenesis 13:18

Eme Abram ili tahi asiu udu mirihik ta kei ndrabun loboho Mamre udu Hibron, eme udu doh badeh iy tukumwi bek ta salom i ta Laban.

Jenesis 32:30

Eme badeh Jekop tondrohani nyara kon Peniyel, moson “Mada Kindrei.” Eme iy anya, “Jo badeh anyolom Kindrei udu madak amwenen arile jo bamak bwe.”

Jenesis 26:25

Eme udu doh badeh Aisik tukumwi bek i loke ta salom ma aloh nyara Laban, ma udu doh le badeh iy tahi asiu balei ma oro lau ta lahou tan ahi gwa li.

Jenesis 12:8

Ano badeh iy edek ili loboho kum kon mandrei solo-an udu loboho lan eme loken kon tinan nyaran Betel, ano iy tahi asiu balei udu loboho an i andri ndrokowa Betel hawe Ai, udu loboho an eme loken. Ano iy tutuni bek ma iy aloh nyara Laban.

Hiburu 11:13

Iri lau marakon nane atehei budon tiri in ta Kindrei winiya le len iri amak. Iri mene are ndra kon munyak, arile iri bandrei saba lakou nane Kindrei tandrakan ta edeu i tiri bwe. Iri sekesek labai ili tiri lakou nane udu ndra len, eme iri asehek sahou randra le i buku doh, “Ahi badu dah bwe, ahi badu kon leheleh labai, ahi ame kon munyak dah ta manyah le.”

La-ukei ta Pol atorou ili tiri lau badu kon Rom 9:8

Kati sahou doh badeh, i buku doh: Lau solo-an abudon anya Abraham badeh, tubu iri, arile nah adeu eme len i buku taha ndranyolom doh kameh asahan nadu Kindrei ai, bwe. Nah ala asahan i san ta kandriyen ta atehei budon handru in ta tandrakan ta Kindrei, iri nah le don adeh asahan lundriye Abraham handru.

Jenesis 22:9

Eme uru ala asos kon mene Kindrei tiye tan badeh, iy eme tukumwi bek i loken ta asun. Ano badeh iy kuhi ndro-o jih i bwele-en. Ano badeh i sawei nadun Aisik badeh atehei iy i bwele-e ndro-o jih udu bada bek dah.

Jenesis 17:3

Eme Abram aluh i andri ma bulin i andri bada munyak, ano Kindrei anya eh,

Jenesis 15:18

Ano ma kabatana doh badeh, Laban amwekes sahou randra le hawe Abram, ano Kindrei tiye, “Jo badeh tandrakan ta edeu munyak i ta lundriyem oro badeh, kobek tan badeh udu Ijip ili taku gwa Yupretis,

Galesiya 4:28

Eme, aha nadu tine, aha badeh, nadu Kindrei i hamon ta tandrakan i le buku Aisik.

Jenesis 33:20

Ano iy tukumwi bek ta salom ma aloh “El Elohe Isra-el,” moson, “Kindrei tahi Isra-el.”

Jenesis 28:13

Eme udu bwele-e kandren badeh Laban udu aliy tiye, “Jo dah jo Laban Kindrei ta tamam Abraham ma Kindrei ta Aisik. Jo kameh edeu munyak ou amadin ado aliy dah kameh i ta lundriyem oro.

Jenesis 26:3

Ou ado munyak dah ado sese, jo kameh udu hawem ma jo kameh atehei nyosowan i tam. Jo kameh edeu tam hawe edeu ta lundriyem oro ta munyak dah ma jo kameh leheya tandrakan tek handru mene i ta tama Abraham.

Jenesis 8:20

Ano Nowa eme tukumwi bek; ano iy andrei ari ari badu tiri katin haka ma hawe iri sirih ari ari mwasin badeh iy asun iri ma buruwen in bada bek dah i nyara salom i ta Laban.

Aposel 7:5

Ma iy badeh, badeu se ranah munyak bala tan bwe. Arile, Kindrei badeh, tandrakan iy hawe lundriyen oro kameh, iy kameh edeu munyak i tan ma hawe lundriyen oro asahan hamon. Na len Kindrei tandrakan doh badeh, Abraham ari nadun bwe le.

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

Jenesis 24:7

Laban Kindrei badu kandrah le badeh kuhi jo eme len ta boho kamen ta tama udu munyak tek, iy tiye ma tandrakan jo ta edeu munyak dah i ta lundriyek oro. Iy kameh suni angelo ili bwena tam, ta aseben ou kandrei ari badih badu badeh keme ta naduk.

Jenesis 13:17

Ou ala anyolom kili bwele-e munyak mari, munyak jo kameh edeu i tam.”

Jenesis 28:4

Hawe iy badeh katehei nyosowan ki ta lundriyem oro, i buku none iy atehei nyosowan i ta Abraham. Ma hawe ou andrei lakou mari badu munyak ou manyah ado aliy dah, lakou mene Kindrei atehei i ta Abraham.”

Jenesis 35:7

Eme iy tutuni bek ta salom eme tondrohani kon doh in hamon ta nyara Kindrei badu El Betel, tasah Kindrei mene asahan madan len iy mene atobwak ta nadu tinen Iso.

Jenesis 35:12

Jo kameh edeu munyak mene jo edeu i ta Abraham uru Aisik kameh ewek tam, ma jo kameh edeu ale i ta lundriyem ame.”

Jenesis 50:24

Ano Josep tiye i ta nadu tinen oro, “Jo badeh mirihik kimek ai, arile Kindrei kameh tondrokei ado kameh udu mwasin ma iy le kameh winiyan kuhiy ado ame len ma iy kameh tiyani ado ala munyak mene iy tandrakan i ta Abraham, i ta Aisik hawe Jekop.”