Jenesis 12:3 - Nyindrou

³ Jo kameh nyosowani are aseken ou. Arile jo kameh edeu isi i tare lau aten ou. Na ou le kameh jo kameh edeu nyosowan i lau kon rakon rakon buruwen.”

Jenesis 12:3 Referans Kwoze

Galesiya 3:8

Sahou ta Kindrei badeh, ndrasehek ndra bwena, ta iy kameh aloh iri lau badu leheleh mwasin mara-ei ta madan i san ta budon handru le. Eme ma iy ndrasehek ndra ta Abraham ta sahou mwasin ta Krais i buku doh, “Na lundriyem oro le kameh, jo kameh edeu nyosowan i la-u iri lau mari badu munyak.” Jenesis 12:3; 18:18; 22:18

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”

Jenesis 27:29

Ya iri kon munyak tinan badeh katudun ou, ma iri lau kaluh ki tam, ma ou atondrok nadu tinem oro, ma nah badu ndrine tinem oro kaluh ki tam. Ya oro are amwekes maha i tam badeh kakohok isi ma oro are adeu nyosowan i tam kameh akohok nyosowan ale.”

Jenesis 26:4

Jo kameh amwekes lundriyem oro a sola, solo-a ndrau badu kandrah ma edeu munyak mari dah i toro, ma eme iri kon munyak tinan mari kameh ndremenya jo ta kadeu nyosowan ki la-u iri, i buku none jo edeu nyososwan i ta lundriyem oro dah,

Jenesis 28:14

Lundriyem oro kameh a sola i buku none kasu ndren badu munyak ma oro kameh aseker ala kum, ala lan, ma loboho an i andri. Iri lau mari badu munyak kameh jo edeu nyosowan i la-u iri tasah na ou hawe lundriyem oro.

Galesiya 3:16

Eme ma, udu bolo buk ndrabun, Kindrei amekes i buku le aliy. Iy amekes iri tandrakan i ta Abraham hawe lundriyen oro. Sahou ta Kindrei batiye anya “toro lundriyem solo-an,” bwe. Badeh tiye, “i ta lundriyem ari” le. Jenesis 12:7; 13:15; 24:7 Ya iy doh badeh, Krais.

Jenesis 18:18

Lundriyen oro kameh asahan kon tinan ari buruwen, ma na iy le badeh kameh, jo kameh atehei nyosowan i tiri kon munyak tinan mari.

La-ukei ta Pol atorou ili tiri lau badu kon Rom 4:11

Ano badeh, barasan ku-in i nyara kalem ta leheya buku Kindrei ndraloh iy ndramak mwasin ta madan. Tasah, iy atehei budon tan handru bwena, ya kandriyen ta asan ku-i taha badeh, udu hamon labai. Ya eme Abraham asahan tama iri lau mari iri an hamon ta san ta budon handru. Handru, iri basan ku-i iri ba-au bwe, arile Kindrei aloh iri lau mwasin mara-ei ta madan.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

Rebelesen 7:9

Iri lakou mara-ei asahan madak nane doh amai iu, ano jo anyolom iri mwan ma badih, solo-an labai atukum are le se, ma ari mwan o badih winiyan bandromwei kane iri bwe. Iri lau doh badu kon munyak tinan mara-ei, ma iri badu boho kamen mari, ma bada iri badeh, randrah, randrah, ma iri badu boho kon rakon rakon badu munyak mara-ei. Iri lau mari doh badeh, ales are bwena ta koyeu ta kabin, ma mirihik ta Nadu Sipsip ta Kindrei. Iri nyosowani iri na awin lawe-en belen mara-ei, ma iri tawi la-u badou udu mine iri.

Epesus 1:3

Taha badeh, katudun nyara Kindrei, iy tama Laban tataha Jises Krais. Na Krais le badeh, iy ndratehei tataha lakou marakon mwasin badu kandrah ta aseben malawi taha.

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

Jenesis 30:27

Arile Leban anya, “Ou badeh mwasin ta madak ya ou winiyan ba-au bwe. Ou ado. Jo badeh ndrada kau, Laban atehei nyosowan eme tek tasah na ou.”

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Jenesis 39:5

Na len iy atehei Josep atondrok asiu tan ma lakou tan mari, Laban badeh atehei nyosowan i la-u asiu ta Podipa. Tasah na Josep le badeh, Laban atehei nyosowan i la-u lakou mari ta Podipa badu bolo asiu ma manan ale.

Jenesis 30:30

Lakou tam sola bwe len jo eme, arile na dah ndra sola, tasah Laban atehei minen udu la-um, tasah na jo; ma loboho heh jo edek i aliy. Arile na dah badeh jo anya kasilah lakou ta aseben asiu tek ai.”

1 Korin 1:30

Tasah, Kindrei ndratehei aha ndrahis hawe Krais Jises, ma iy atehei Krais asahan kati iri tanan mwasin tataha. Na iy le, taha asahan ndrabun ma lau mwasin labai ta madan. Ma iy ale i nyara san ta Kindrei akohok taha ame hamon ja.

Metiu 25:45

“Iy kameh asumon i buku doh, ‘Handru jo tiye tado, buku none ou bamekes bala ta ari ndramak laleyah kede-eh bwe, ou bamekes bame tek bwe le.’

Tarou ta Luk 24:27

Eme iy asehek nyala lakou mari udu bolo sahou ta Kindrei i turu aleu labai, udu ndra kabatana Moses hawe tarou tiri propet, ano i turu.

Jenesis 18:19

Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”

Jenesis 24:35

Laban badeh ndratehei nyosowan ndra ta Abraham mwasin labai, ma iy badeh tan lakou solo-an labai. Kindrei badeh atehei tan sipsip, bulumakau, silba ma hawe gol ma atehei tan iri lau ta lahou tan mwan ma badih ma hawe iri kamel hawe donki.

Jenesis 25:11

Ano hamon ta Abraham ndramak badeh, Kindrei atehei nyosowan i ta nadun Aisik. Iy manyah badeh udu mirihik ta Ber Lahai Roi.

Jenesis 26:29

Aso aseken ou tandrakan, ta ou badeh samwekes bahun same taso, i buku none aso samwekes sawek tam. Aso amwekes mwasin i tam ma ou manyah mwasin le. Ya eme na dah aso ndratanan ndramwe-es ai, Laban badeh atehei nyosowan udu tam.”