Jenesis 12:2 - Nyindrou

² Jo kameh edeu lundriyem oro asahan solo-an ma i dah kameh oro asahan kon rakon buruwen. Ya i dah kameh, jo nyosowani ou ma nyaram kameh lau mari i tanan ma nyosowan kameh i tiri lau.

Jenesis 12:2 Referans Kwoze

Galesiya 3:14

Handru, Krais Jises badeh, ndrakonohei taha ma ndrakohok taha ndrame hamon. Iy ndramesekei lakou doh, tasah iy anya katehei nyosowan keme tataha lau mari. Idoh nyosowan Kindrei mene tandrakan i ta Abraham ki tiri lau badu leheleh. Ya taha akohok nyosowan doh i san ta Krais le ari. Eme ma, taha i san ta budon handru badeh, winiyan akohok boto-on ta Malawin Ndrabun mene Kindrei tandrakan.

Jenesis 18:18

Lundriyen oro kameh asahan kon tinan ari buruwen, ma na iy le badeh kameh, jo kameh atehei nyosowan i tiri kon munyak tinan mari.

Jenesis 35:11

Eme badeh Kindrei tiye i tan, “Jo dah jo Kindrei, jo tek boto-on labai. Ou badeh amwekes nah ma sola. Iri nah badu kon munyak tinan kasahan ta lau tam, ma ou badeh tama iri kabin na len hamon kameh asahan.

Jenesis 46:3

Eme iy anya, “Jo dah jo Kindrei, Kindrei ta tamam. Ou sanoh ta ala Ijip; jo kameh amwekes lundriyem oro kameh asola ma asahan kon rakon buruwen udu doh.

Jenesis 26:4

Jo kameh amwekes lundriyem oro a sola, solo-a ndrau badu kandrah ma edeu munyak mari dah i toro, ma eme iri kon munyak tinan mari kameh ndremenya jo ta kadeu nyosowan ki la-u iri, i buku none jo edeu nyososwan i ta lundriyem oro dah,

Jenesis 24:35

Laban badeh ndratehei nyosowan ndra ta Abraham mwasin labai, ma iy badeh tan lakou solo-an labai. Kindrei badeh atehei tan sipsip, bulumakau, silba ma hawe gol ma atehei tan iri lau ta lahou tan mwan ma badih ma hawe iri kamel hawe donki.

Galesiya 3:7

Eme ma, aha badeh, ndranyolom ma ndratanan ndramwenen ta lakou doh: Iri mwan ma badih nane atehei budon tiri handru in ta sahou ta Kindrei, iri doh badeh lundriye Abraham amwenen.

Jenesis 15:5

Eme Laban kuhi iy eme manan ma tiye, “Ou anyolom ki loke bada kandrah ya none ou ondrek ndrau se, ou kameh lundriyem oro kameh i solo-a ndrau don.”

Jenesis 28:14

Lundriyem oro kameh a sola i buku none kasu ndren badu munyak ma oro kameh aseker ala kum, ala lan, ma loboho an i andri. Iri lau mari badu munyak kameh jo edeu nyosowan i la-u iri tasah na ou hawe lundriyem oro.

Jenesis 27:29

Ya iri kon munyak tinan badeh katudun ou, ma iri lau kaluh ki tam, ma ou atondrok nadu tinem oro, ma nah badu ndrine tinem oro kaluh ki tam. Ya oro are amwekes maha i tam badeh kakohok isi ma oro are adeu nyosowan i tam kameh akohok nyosowan ale.”

Jenesis 19:29

Len Kindrei sulumwi kon tinan ma nyamak mene Lot manyah udu aliy, eme iy badeh bamaniy Abraham bwe ya eme iy mwesekei Lot atobwak ma iy udu mwasin. Loboho Iri Mowaba Ma Amora

La-ukei ta Pol atorou ili tiri lau badu kon Rom 4:11

Ano badeh, barasan ku-in i nyara kalem ta leheya buku Kindrei ndraloh iy ndramak mwasin ta madan. Tasah, iy atehei budon tan handru bwena, ya kandriyen ta asan ku-i taha badeh, udu hamon labai. Ya eme Abraham asahan tama iri lau mari iri an hamon ta san ta budon handru. Handru, iri basan ku-i iri ba-au bwe, arile Kindrei aloh iri lau mwasin mara-ei ta madan.

Jenesis 18:19

Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”

Jenesis 24:1

Abraham badeh ndra alon labai, ma jaha tan ndra sola, eme Laban badeh atehei nyosowan i la-un ta mada san mari.

Jenesis 25:11

Ano hamon ta Abraham ndramak badeh, Kindrei atehei nyosowan i ta nadun Aisik. Iy manyah badeh udu mirihik ta Ber Lahai Roi.

Jenesis 26:3

Ou ado munyak dah ado sese, jo kameh udu hawem ma jo kameh atehei nyosowan i tam. Jo kameh edeu tam hawe edeu ta lundriyem oro ta munyak dah ma jo kameh leheya tandrakan tek handru mene i ta tama Abraham.

Jenesis 17:20

Ya ndrelen tam ta Isma-el baden eh, jo ndranuhun; jo kameh nyosowani iy handru; ma jo kameh mwesekei iy asahan sola ma kanen kameh i sola. Iy kameh asahan tama oro lau ta batun ma ronoh la-uh ma jo kameh edeu iy asahan kon rakon buruwen.