Jenesis 12:1 - Nyindrou

¹ Ano Laban tiye i ta Abram, “Ou au ta munyak tam ma ou au ta lowam oro hawe asiu ta tamam ya ou au ai, ala kon munyak jo kameh leheya tam.

Jenesis 12:1 Referans Kwoze

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

Jenesis 15:7

Ano Laban anya eh, “Jo badeh Laban, jo le badeh kuhi ou ado Ur udu Babilon ame len, ya jo badeh edeu munyak dah i tam.”

2 Korin 6:17

Eme ma, Laban tiye taha lau mwan ma badih tan amwenen, “Aha badeh, karuwani iri lau, tana iri Kindrei bwe. Ma aha sa-en hamon ta kandriyen tiri. Ma aha kare ndralen ta kandriyen ndra-in. Eme ma, jo kameh sekesek tinan labai ta akohok aha ame ado hawek.” Aisaya 52:11; Isikiyel 20:34, 41

Rebelesen 18:4

Ano ja, jo anuhun boho ndramak ari asehek sahou udu bolo kandrah i buku doh, “Aha lau tek, aha kame len ta iy badih badeh! Idah kameh aha winiyan bala bolo maha-a kandriyen ndra-in tan bwe; eme ma aha ale winiyan bakohok bundruwe iri ndra-in tan bwe!

Jenesis 20:13

Eme Kindrei tiye jo eme len ta munyak, eme kon leheleh, eme badeh jo tiye i tan ta iy badeh kaleheya mwasin tan hawe seken tan udu tek handru ki tiri kon mari, ta jo badeh nadu tinen.”

Jenesis 24:4

arile ou kameh ala kon tek ala hawe lowak oro amwenen akohok ari badih ki ta naduk Aisik.”

Jenesis 26:2

Eme badeh Laban asahan hawen tiye, “Ou sala Ijip, ou manyah ado munyak jo ndrasehek tam.

Jenesis 24:7

Laban Kindrei badu kandrah le badeh kuhi jo eme len ta boho kamen ta tama udu munyak tek, iy tiye ma tandrakan jo ta edeu munyak dah i ta lundriyek oro. Iy kameh suni angelo ili bwena tam, ta aseben ou kandrei ari badih badu badeh keme ta naduk.

Jenesis 24:38

arile iy tiye tek badeh keme hawe lowa taman oro keme boho kamen tan amwenen kakohok ari badih ki ta nadun.