Jenesis 11:7 - Nyindrou

⁷ To ka-au ka andri, katubuni boho kon tiri, eme ya iri sanuhun sahou tiri ari ari.”

Jenesis 11:7 Referans Kwoze

Jenesis 1:26

Ano Kindrei anya ja eh, “Ya abo i dah kameh to kamwekes ndramak awas ai; ya teheyan ma kone oro ki le buku to. Ya eme oro kameh katondrok iri ni, katondrok iri sirih ma katondrok iri katin haka ndriliu ma ndriliu bwe, bwisik ma tinan.”

1 Korin 14:23

Eme ma, buku aha lau ta Kindrei atukum a se, ma aha marakon kamekes sahou ta boho kon rakon, rakon, aha kabudon kamwenen op. Buku lau rayah tana iri bwe, ma batehei budon tiri bwe, buku iri kame bolon ale kanuhun aha, iri kameh abudon i buku sah bah? Sebwe, iri kameh asehek i buku doh, “Aha ndralolo-ou.”

Jenesis 42:23

Josep badeh anuhun ma iy tanan sahou mari oro asehek, arile oro baseleyani iy bwe, tasah ndramak ari badeh udu hawe oro ta tobolowe sahou toro i ta Josep.

Jenesis 11:5

Eme badeh Laban eme andri bolo kon nane doh ma anyolom asiu nane iri atah ma atudun dah.

Jenesis 10:20

I doh tubu Ham oro ya oro badeh manyah boho kamen ra-em ra-em ado munyak toro ma boho kamen toro badeh asehek boho kon toro randrah labai.

Jenesis 3:22

Ano Kindrei tiye, “Abo iri ndramak badeh ndrasahan ndra buku to ai, ndratanan saba lakou mwasin ma saba lakou ndra-in. Eme ya iy badeh sakohok buwa kei ala ta amwekes kohan udu le buku doh ma iy badeh saimon. Bakameh iy kameh kohan kudu le buku doh.”

Jenesis 10:32

Iri lau mari doh badeh lundriye Nowa, kon ari i buku ari asahan ta boho kamen ra-em ra-em. Kon atuh ya hamon ta aliy kon munyak badeh asahan na lundriye Nowa oro.

Jenesis 10:5

Oro badeh tubu iri lau badu busu. Ya i dah baden eh tubu Jepet oro. Oro badeh manyah ado boho kamen ra-em ra-em ado kon rakon rakon. Ya boho kamen ra-em ra-em asehek bohon randrah labai udu kon nane doh.