Jenesis 1:12 - Nyindrou

¹² Eme saba buwa kei ateh bolo munyak eme loken, badeh Kindrei anyolom ma iy sekesek handru.

Jenesis 1:12 Referans Kwoze

Tarou ta Mak 4:28

Munyak le anyohan buwa kei ateh ma edeu salin. Ma mwena handru iy i tinan ano, nyandren asahan ano ja, buwan asahan.

Tarou ta Luk 6:44

Taha winiyan akohok tanan badeh, udu ta buwa kei ari ari ato-ou. Ya malou bobodon ndra-in badeh, winiyan bato-ou buwa kei pik bwe, ma malou kakarik badeh, winiyan bato-ou buwa waen bwe.

Galesiya 6:7

Aha sawasai aha le; ma aha sabudon anya, aha winiyan wahei Kindrei, ndri-iy labai. Tasah, ndramak ari ari kameh, bwese maha-an tan amwenen in hamon ta lakou iy amekes. Idoh handru, tasah taha tanan, saba nyamon taha atah kameh, taha akohok sali nyamon doh amwenen.

2 Korin 9:10

Kindrei amwenen kameh edeu buwa kei ta atah ili tiri mwan ma badih. Ma iy ale kameh edeu nyamon ili niri mwan ma badih mara-ei. Eme ma iy kameh edeu taha lakou ili le winiya aha. Ma aha winiyan adeu ili tiri lau ta Kindrei rayah ja. Ma kandriyen taha kameh asahan mwasin mara-ei, i buku ndramak atah buwa kei, ano ato-ou salin solo-an labai.

Hiburu 6:7

Ur undruk eme bwele-e munyak ma edeu gwa i ta munyak, ma munyak doh ato-ou nyamon mwasin ta aseben iri lau nane atah bilin ili aliy. Eme ma munyak akohok nyosowan mwasin ta Kindrei.

Jenesis 1:11

Ano iy anya eh, “Abo kei ma bwidiu kasahan bwele-e munyak, kato-ou buwa kei ma kato-ou salin ya iri badeh ndrateheyan labai.” Eme badeh asahan i le buku aliy.

Jenesis 1:13

Ano kon eben ano kon aleu badeh len taloh ai.