Jenesis 1:1 - Nyindrou

¹ Ma mwena handru badeh Kindrei mwesekei munyak ma kandrah.

Jenesis 1:1 Referans Kwoze

Hiburu 11:3

Taha atehei budon tataha in ta Kindrei, eme ma taha ndratanan, Kindrei badeh, bwidi kandrah hawe munyak, na sahou batanau tan le amwenen. Lakou mari taha ndranyolom, Kindrei amekes na lakou taha winiyan banyolom na mada taha bwe.

Rebelesen 4:11

“Laban, ou Kindrei tahi. Ou mwasin labai ma ou are loken, loken labai, ta iri mwan ma badih kasekesek ou, ma katudun nyaram, ma kado bahandra boto-on tam le ari. Tasah, ou amekes lakou marakon. Na budon tam le amwenen, ou bwidi iri, eme nadah, iri lakou marakon doh udu kede-eh.”

Hiburu 1:10

Iy asehek ta nadun ale: “O Laban, ndra bwena mene ou bwidi kon munyak, ma, na minem amwenen ou bwidi kandrah ja.

Aposel 17:24

“Iy Kindrei nane ta amekes munyak ma kandrah ma lakou mari udu bolon. Iy badeh, Laban ta atondrok munyak ma kandrah. Ya iy bamanyah bado bolo asiu ta atudun amekes na lim bwe.

2 Pita 3:5

Arile, iri asehek doh badeh, ta laleyah le. Iri badeh, bale iri ndramaniy ta lakou badeh, ndratobolowe ja. Bwena mene kabatana Kindrei amekes kandrah, ma munyak asahan bolo gwa eme loke, ma hawe apwai gwa badu loke i len ta gwa badu andri badeh, iy tiye le na bohon, ya lakou mari doh asahan.

Rebelesen 14:7

Iy badeh, aloh boto-on labai i buku doh, “Len badeh, ndrasahan ta Kindrei aleben iri mwan ma badih mara-ei are ta mada sahou. Eme ma aha kanoh iy, ma aha katudun nyaran. Aha mara-ei badeh, katehei bwili ndru-u aha kili andri ki ta Kindrei, iy le badeh, bwidi kandrah ma munyak, hawe ndras ma mana munu iri gwa mara-ei.”

Aposel 14:15

“Ado lau, ado anya kamekes lakou badeh, ta sasah? Aru dah badeh, ndramak laleyah i buku le ado badeh. Aru dah badeh, atiye nyala ado ta sahou mwasin ta ado badeh, katubuni ndrine ado ta lakou ndra-in laleyah i buku badeh, ki ta Kindrei kohan handru udu aliy. Iy le adeh mesekei munyak ma kandrah, ndras ma hawe lakou mari udu bolon.

1 Korin 8:6

Kindrei tataha badeh ari le. Iy badeh, tama taha mari. Iy bwidi iri lakou marakon ma taha tan amwenen. Jises Krais le ari badeh, iy Laban tataha. Iri lakou marakon iy amekes, iy le badeh, edeu kohan eme tataha.

Hiburu 3:4

Iri asiu marakon kede-eh lau atah. Arile Kindrei le ari bwidi iri lakou marakon.

Hiburu 1:2

Arile udu bolo len tataha hamon kada-ah, Kindrei asehek sahou eme tataha i san ta nadun ari le mwan. Kindrei leheyani nadun doh ta akohok iri lakou marakon. Na nadun le, iy bwidi lakou marakon asahan.

Rebelesen 10:6

Ma iy asehek sahou tandrakan handru iu ili loken labai ta nyara Kindrei, iy winiyan bamak bwe, iy kameh ta udu le buku doh, iy bwidi kandrah, ma iri lakou mara-ei udu aliy, munyak ma lakou mara-ei udu bwele-en, ndras ma lakou mara-ei udu aliy. Iy angelo nane asehek i buku doh, “Len anya kano ai. Kindrei kameh winiyan babe-en ja bwai!”

La-ukei ta Pol atorou ili tiri lau badu kon Rom 11:36

Taha mara-ei winiyan bwe! Tasah, lakou mari asahan badeh, iy le amekes; Iy asehek na le bohon badeh, lakou asahan i le buku aliy; Ma iy amekes iri lakou mara-ei badeh, tan le ari. Ya ta katin le doh badeh, taha lau mari katudun iy kudu le buku doh. Handru!

Aposel 4:24

Eme oro anuhun badeh, oro asore boho oro i le se i loken, asolom i ta Kindrei. Eme oro anya, “Laban Kindrei, ou le mesekei kandrah ma munyak hawe ndras ma hawe lakou mari udu bahandran ma udu bwele-en.

Rebelesen 22:13

Jo le ari badeh, asahan mwena handru, ta iri lakou marakon, jo kameh udu le kahis, buku iri lakou marakon ano. Ya, jo ma bwena handru, ma jo in ndrobek mara-ei. Jo ale badeh, kati iri lakou marakon ta asahan, ma jo in hamon ndrobek badeh, ta amekes gok mara-ei ano.

1 Jon 1:1

Aso badeh, ta atorou la-ukei ewek taha, ta nyala sahou kohan handru in aliy. Sahou dah badeh, asahan bwena labai, ya aso ndranuhun, ma aso ndranyolom na mada aso amwenen. Ma aso ndratona na mine aso ale.

Tarou ta Mak 13:19

Tasah, len ndra-in doh eme kameh, kon mari kameh andra-i mara-ei, sakalawi ja iri len ndra-in mene kabatana Kindrei bwidi munyak eme taku dah. Ya ari ja hamon winiyan basakalawiy bwai.

Rebelesen 21:6

Ma iy tiye eme tek, “Iri lakou marakon nane jo anya kamekes badeh, ndrano ai! Jo ma mwena handru, ma jo in ndrobek mara-ei, jo ale badeh, kati iri lakou marakon, ma jo in ndrobek handru ta amekes iri gok mara-ei ano. Buku are lau, balen amar ta gwa, jo kameh edeu gwa i wa-in badu kaloh ta adeu kohan handru winiyan bano bwe, ya iy kameh winiyan bakeh ari luk ta asih gwa doh bwe.

Epesus 3:9

Bwena mene, Kindrei bwidi iri lakou marakon, ma na len doh badeh, iy tone iri budon tan ta iri kandriyen marakon hamon iy anya kamekes. Ya, budon doh mene aton udu bwena, eme ano dah. Arile, na dah, iy atehei jo ta asehek aleu eme lewan iri budon tan dah.

Rebelesen 3:14

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Leyodisiya. Sahou kili buku doh: ‘Iri sahou dah, tek amwenen. Jo badeh, kati iri sahou handru, ma jo badeh, ta atiye le sahou handru. Jo badeh, kati iri lakou mara-ei Kindrei ndrabwidiy. Eme ma jo suni sahou dah ewek taha.

Metiu 11:25

Kala doh Jises tiye buku doh, “Tama, ou Laban badu munyak ma kandrah. Jo masiye ou! Tasah, ou tone lakou dah, ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe.