Jemis 5:6 - Nyindrou

⁶ Aha badeh, atehei iri lau mwasin ala ta mada sahou, ano aha adai iri amak. Ya iri bateleya mine aha bwe, ma iri bamekes bahun bawek taha ja bwe.

Jemis 5:6 Referans Kwoze

Jemis 4:2

Aha aso-ok lakou solo-an labai, arile aha bakuhi ari bwe, eme ma aha adai iri lau amak, arile aha bandrei saba lakou tiri nane aha aso-ok bwe. Mada aha alikis iri lakou ma aha ada aha le amwenen. Arile, aha bandrei bwe, tasah aha bandremenya Kindrei ta aliy bwe.

Aposel 8:32

Eme ma, Pilip ili loke hawe ndramak doh, anyolom tarou ta buk ndrabun ranah nane, atorou i buku doh, “Iy badeh, i buku none ari sipsip andrei iy eme len ta adai iy; Iy badeh, i buku none ari sipsip nadu bwisik se balohou bwe na len anya kasan lamin; Iy badeh, randra sahou bwe.

Metiu 5:39

Arile jo katiye tam, ou sadeu saluwe kandriyen ndra-in ta ndramak are edeu kandriyen ndra-in ewek tam, ndri-iy. Ya i buku none are lau ubwi lim ili kapam salin, mwasin, ou tubuni kapam kamweu kili ja, ya iy kubwi lim ki aliy ale.

Hiburu 10:38

Arile, iri lau mwan ma badih tek mwasin, iri atehei budon tiri in tek, eme ma koha iri kameh ta ere le buku doh. Ma buku iri tubuni kona iri eme tek, o, iri batehei budon tiri bame tek ja bwe, ndrinek kameh winiyan basekesek tiri bwe.” Habakuk 2:3-4

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.

Jemis 2:6

Arile, aha badeh, atehei bwilima ili tiri lau nane, tiri lakou bwe. Aha kabudon doh kamwenen. Are lau handru bokoro-ei aha ma atehei maha-an ewek la-u aha ma aluwi aha ala ta mada sahou? Iri le nadu batun badeh, amekes iri lakou doh.

Aposel 7:52

Are propet asahan bwena mene, ya tama aha oro mene badai iy bwe? Oro mene adai iri propet mene asehek ta nyala ndramak mwasin handru kameh barasahan. Ya eme na dah, iy ndrame, arile aha badeh, atehei sa-oh ma adai iy imek.

Metiu 27:20

Eme iri tinan tiri pris ma oro lau tinan tiri lau sosokok iri lau solo-an dah anya, “Aha kaloh, ‘Ahi aso-ok Barabas keme mine ahi, ya ou adai Jises kimek.’ ”

Metiu 21:38

“Arile oro salibah ta bilin atou nadun edek eme, ya oro asehek sahou ndrokowa oro buku doh, ‘Ei, nadun eme, to kadai iy, ma to kakuhi iri lakou tan mari.’

1 Pita 4:18

Ya, buku none buk ndrabun ndratiye, “Buku are lau mwan deh badih atehei budon tiri i ta Kindrei, bwese-ei iri maha-an, arile iri sakalawi mada sahou ta Kindrei na kandriyen tiri mwasin sese le, saba lakou handru kameh asahan tiri lau ale atehei kona iri i ta Kindrei, ya iri amekes kandriyen ndra-in? Iri kameh ala le bolo jih kabwai.” Tanan 11:31