Jemis 5:5 - Nyindrou

⁵ Len mari aha areu kon munyak, aha akohok iri lakou solo-an mwasin mwasin labai ma aha sekesek ta aliy. Ya aha aimon nyamon tinan, ma bwidi aha apar. Idoh, buku none lau ale anyohan bou apar, ano kameh iri adai iy ta aimon. Idoh i buku le len ta Kindrei ndrame mirihik ta anuhun sahou. Kora-on iy kidi aha ale.

Jemis 5:5 Referans Kwoze

1 Timoti 5:6

Arile, are badih nyau iy amekes kandriyen ndra-in in hamon ta so-ok ta badan le, malawin mwasin tan badeh, ndramak mara-ei.

Tarou ta Luk 16:25

“Arile, Abraham anya, ‘Naduk, ou none lomondra ou mene ado awas se. Ou badeh, mene akohok lakou mwasin, ya Lasarus mene badeh, anyidiu lakou ndra-in. Arile, na dah, iy manyah udu mwasin ai, ya ou ado ta sisi-in ai.

Tarou ta Luk 16:19

“Ndramak ari badeh, lakou tan solo-an labai. Iy badeh, anyasou na lakou saraman mwasin asih na luk solo-an, ma iy badeh, iwer nyamon ta aimon na len mari.

Rebelesen 18:7

Iy ale badeh, atudun nyaran amwenen, ma amekes kandriyen solo-an ndra-in ta karei, ma hawe iri kandriyen ndra-in rayah ja. Eme ma aha kadeu sisi-in ma solo-an kili badan, kili, kili winiya le iri kandriyen ndra-in iy nane amekes. Iy badeh, asehek iy i buku doh, ‘Jo badeh, ere mwilis, jo manyah udu bada koyeu ta mwilis. Jo bala buku badih udun imek ma iy ere laleyah bwe. Iri maha-an kameh winiyan basahan tek bwe, ma jo kameh winiyan baden ja bwai.’

La-ukei atorou Jut 1:12

Len mari ado atukum, ya amekes kandriyen ta leheya buku, ndrine ado udu mwasin, ya ado sekesek, hawe ado aso-ok iri mwan ma badih ta Kindrei. Arile, iri lau ta tebelese nane doh banoh ma bwili iri bama bwe, iri abudon le iri amwenen, i buku ndramak ndra-in ta atondrok sipsip abudon iy le amwenen. Iri badeh, buku jor oloh asi kandrah iu, ta ur winiyan bandruk bame andri bwe. Iri ale badeh, a buku kei ari la-un bwe, iri sudiy ma kandron, iy asara ma winiyan bato-ou salin bwe.

2 Pita 2:13

Idah kameh, iri bwese maha-an hawe isi ta aliy, i saluwe kandriyen ndra-in iri amekes i bada iri lau. Tasah, iri abudon lakou doh ta nyorei le ta amekes bada iri sekesek na ben ma hawe na len badeh, ndra mwasin le. Eme ya, ta kandriyen ndra-in doh badeh, iri amekes bwilima i tado ma iri amekes nyara ado andra-i. Ma iri ndrala labai ta amekes kandriyen ndra-in ta amekes bada iri kasekesek na len iri aimon nyamon hawe ado. Ma udu ndra bolo len ta nyamon le kameh, iri amekes sahou nyaman nyaman ta asan bale ado, anya kandriyen doh mwasin le ta mada Kindrei.

2 Timoti 3:4

Iri kameh atehei iri kawas tiri ili mine iri lau ndra-in ta bahun, ma a-en hamon ta budon tiri ndra-in. Iri kameh abudon iri le, ma iri aso-ok, ta amekes bada iri kasekesek, ma iri baso-ok Kindrei bwe.

La-ukei ta Pol atorou ili tiri lau badu kon Rom 13:13

Ma eme taha katondrok tekedek tataha kudu mwasin i buku none lau manyah ado bolo an na len; sala buku none taha ka-un gwa boto-on ma bwidi batu taha asahan lolo-ou, ya taha asehek sahou laleyah, ma amekes karei ma madasarah, ma samekes bahun hawe samekes madalakis sala ta ndramak ari ari, ndri-iy.