Jemis 5:14 - Nyindrou

¹⁴ Buku ari tado ibo sik, mwasin ta iy kaluhi oro lau an bwena ta lau ta Kindrei kame hawen. Ya, ta nyara Laban, oro kasolou ndrelekei ki badan, ma oro kasolom ki ta Kindrei, kamesekei ndramak nane kasahan kamwenen ja.

Jemis 5:14 Referans Kwoze

Tarou ta Mak 6:13

Ya, malawin ndra-in solo-an labai udu bwele-e iri mwan ma badih, eme ma oro lau ta Jises ame, abo gok ta atikah iri malawin ndra-in solo-an iu. Ma oro atah ndrelekei ta kei olip i bada iri lau abo sik ma iri amwenen ja.

Aposel 28:8

Tama Publiyus badeh, ibo sik in andri, badan nyarahan, ma walou ere tan. Pol eme ili bolo asiu hawen, iy asolom iy, iy atehei minen i bwele-en ma nyumuri iy amwenen ja.

Tarou ta Mak 16:18

Ya, i buku none iri ateu mwak deh, bwe iri a-un gwa nyakadan, idah kameh iri winiyan bakohok sisi-in ma bamak bwe. Ma idah kameh iri adeu mine iri i bwele-e iri lau abo sik, ya idah kameh sik udu tiri iu.”

Taitus 1:5

Katin ta jo anya, ou ado busu Krit ado gwek sese badeh, ta ou badeh mesekei lahou doh kano, ma kabadok, ta aliu budon toro kamwenen ja. Eme ya ou leheya iri lau rayah badeh, ma ou adeu iri kasahan batun ta atondrok iri lau ta Kindrei badu kon ari ari. I buku none jo mene ndrasehek tam ndra-au.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.

Aposel 14:23

Ano Pol uru Banabas atehei lau mwasin kasahan batun ta atondrok iri lau ta Kindrei badu kon rakon rakon. Eme iri abeles iri ta aimon nyamon, ma amekes salom i toro ma atehei oro a mine Laban ta lahou iri atehei i kani oro ta amekes.

Aposel 9:40

Eme Pita tiye iri mari ame len ta bolo asiu. Ano iy atehei bwili ndru-un i andri ya iy asolom. Eme iy tubuni batalan i ta bada kei nane dah ma iy anya, “Tabita, ou ales are loken.” Eme madan asak anyolom Pita, ma iy suri iy.

Aposel 11:30

Oro amekes budon doh ano badeh, oro atehei luk i mine Banabas uru Sol, ma uru tiyani ili tiri lau ta Kindrei nane ado Jerusalem.