Jemis 4:11 - Nyindrou

¹¹ Aha nadu tine mwan ma badih ta Kindrei, aha badeh, saluhe iri lau ta Kindrei. Are mwan o badih, iy aluhe o asehek nadu tinen iri rayah ja, iy badeh, aluhe batanau amwenen. I buku aha orou sahou i ta batanau, ou badeh, bado bahandra batanau ja bwe, tasah ou ndrasahan buku ndramak ta anuhun sahou, ma ou asehek i bada batanau amwenen.

Jemis 4:11 Referans Kwoze

1 Pita 2:1

Aha ndrasahan ha-un ja na ndraye Jises Krais, eme ma aha karuwani iri kandriyen ndra-in. Aha sawasai, ma aha samekes kandriyen ndra-in sala ta ndramak ari ja. Mada aha salikis lakou ta ndramak ari ja, ma aha sasehek ndramak ari ja. Aha karuwani kandriyen ndra-in mari doh ki-iu.

La-ukei ta Pol atorou ili tiri lau badu kon Rom 2:1

Ou are lau anya ou mwasin, ya ndramak kodo-oh ndra-in; balem ki tam! Ou badeh, ari madasan ta atobwak bwe. Tasah, buku none ou anya ndramak kodo-oh ndra-in, arile kandriyen doh ou amekes, badeh ou le amekes Kindrei edeu maha-an ewek la-um.

Jemis 5:9

Aha nadu tine mwan ma badih ta Kindrei, aha sanunu-uh ma satebelese hawe nadu tine aha iri rayah ja. Kindrei kameh asahan buku ndramak ta anuhun sahou, ma iy kameh atehei aha ala ta mada sahou. Tasah, iy badeh, ales udu le madasan taha!

Tarou ta Luk 6:37

“Ou satiye kandriyen ta ndramak ari ari; ya, ou winiyan bare ta mada sahou tinan bwe; ou samekes sahou boto-on sala ta lau, ya idah kameh, Kindrei bamekes sahou boto-on bawek tam bwe. Ou mani kandriyen ndra-in tiri, ya idah kameh, Kindrei ale, mani kandriyen ndra-in tam.

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.

Epesus 4:31

Eme ma, taha karuwani iri kandriyen ta ndrine taha ndra-in, losen, ndrinem ato-ou, sahou tebelese, sahou sondrokonya. Ma aha samekes bahun laleyah sala tiri lau.

2 Korin 12:20

Tasah, jo inoh sese, ma jo abudon i buku doh, kora-on jo kewek ma katawei aha bala buku ndramak nane jo anya kanyolom ja bwe. Ma kora-on aha ale anya kanyolom jo bala buku ndramak nane aha anya kanyolom. Kora-on jo katou iri kandriyen solo-an doh udu ndrokowa aha. Idoh kandriyen ta tebelese sahou, ma kandriyen ta ndrinem irih i tiri lau rayah ja, ma kandriyen ta amekes lakou laleyah, buku aluhe, sondrokonya, batun boto-on, ma kandriyen ta bolowa lakou laleyah.

2 Timoti 3:3

Iri ale kameh winiyan bamekes kawas hawe iri lau rayah ja bwe. Ma iri winiyan batehei ndrine iri bamunum bala hawe ari ndramak bwe. Iri kameh andra-i, udu le buku doh! Iri kameh asehek lau laleyah, ma iri winiyan batondrok ndrine iri ma bada iri bamwenen bwe. Iri kameh amekes ndra-in i tiri lau laleyah, ma iri ateu kaliu ta kandriyen mwasin.

1 Timoti 3:11

Ma udu oro badeh, kandriyen toro ki mwasin, ma oro sasehek sahou ndra-in sala bada ndramak ari ari. Oro badeh, sala badih ta a-un gwa boto-on, ma oro badeh, kasehek sahou handru le ta bolo lahou mari.

La-ukei ta Pol atorou ili tiri lau badu kon Rom 7:7

Ya, i buku batanau malen mesekei kandriyen ndra-in towodau udu bolo oda taha eme loke badeh, taha kasehek ki buku sah bah? Batanau malen badeh, kandriyen ndra-in nadeh? Bwe! Arile, na batanau malen le badeh, mesekei jo i tanan karei ma lomondra ndra-in i buku sah. Batanau malen mene tiye anya, “Madam salikis lakou doh, lakou doh!” Eksodus 20:17; Dutoronomi 5:21 Ya, buku batanau malen batiye lakou doh bwe, jo badeh, winiyan bala tanan kandriyen ta madalakis i buku sah bwe

La-ukei ta Pol atorou ili tiri lau badu kon Rom 2:13

Tasah, are lau ndranyen anuhun le batanau malen kameh iy winiyan basahan mwasin ta mada Kindrei bwe. Arile, are lau le in hamon ta batanau malen, Kindrei kameh aloh iy mwasin labai ta madan.

Jemis 1:25

Arile, sahou ta Kindrei udu bolo tarou malen ma hawe sahou mwasin badeh, amekes gok ta atokos kandriyen ndra-in iu, ma bwidi taha ado mwasin. Batanau doh badeh, amwenen mara-ei. Buku taha mwan o badih anyolom batanau doh amwenen ma a-en hamon ta sahou tan handru, ma Kindrei kameh winiyan amekes iri gok mara-ei tiri mwan o badih nane asahan mwasin labai. Ma iri mwan ma badih buku doh badeh, iri winiyan banuhun sahou laleyah doh bwe, ma maniy suwi labai.

Taitus 2:3

Eme ou leheya oro badih en ki le buku aliy. Oro badeh, kandriyen toro ki mwasin i buku badih ta Laban. Oro badeh, sasehek lau ma hawe oro sala badih ta a-un gwa boto-on i buku nyamon toro. Oro badeh, ki badih ta leheya lau ta kandriyen mwasin.

Jemis 1:16

Ado mwan ma badih ta Kindrei badu hawek handru, kora-on ado katawi iri kandriyen ta wasai badeh, kawendreyani ado.

Jemis 1:19

Ya aha badeh, kabudon kamwenen! Aha nadu tine mwan ma badih tek handru, aha katehei ndranye aha suwi ta anuhun sahou. Arile, aha sabobo-ap ta amekes sahou. Ma ndrine aha ale satowodau ta losen suwi.

Jemis 2:8

Buku aha a-en hamon ta batanau ari le mwasin nane Kindrei atehei eme tataha anya, “Ou aseken iri lau ari ari badu hawem, i le buku ou aso-ok ou le,” Lebitikus 19:18 idoh mwasin. Jo ari sahou ta aliy bwai.

Jemis 5:7

Eme ma aha nadu tine mwan ma badih ta Kindrei, aha katehei ndrine aha handru kili ta Laban, ya aha kabwese iri maha-an, ma kabe-en iy ta eme hamon. Aha tana aha, ndramak tan bilin ereu aliy, iy kameh abe-en nyamon mwasin asahan aliy. Iy kameh atehei ndrinen handru, ya iy ereu le abe-en ur hawe an, uru amekes gok turu. Hamon ta aliy, iy barala barakohok sali nyamon tan ai.

Jemis 5:10

Aha nadu tine, aha kabudon oro propet bwena mene, oro mene atiye sahou ta nyara Laban. Kandriyen tiri badeh, mwasin labai ta aseben taha. Iri lau ta kaliu badeh, banuhun sahou toro bwe, ma iri amekes kandriyen ndra-in i toro propet doh. Arile, oro atehei ndrine oro udu mwasin ta bwese iri maha-an. Aha badeh, kandrei kandriyen toro doh, ma ka-en hamon ta aliy.