Jemis 3:17 - Nyindrou

¹⁷ Arile, iri tanan ma lakou mara-ei mwasin taha akohok badeh, udu kandrah eme leheya taha kamekes kandriyen mwasin ki buku doh: Taha kasahan ha-un, ma taha kamekes mwasin ki ta nadu tine taha iri rayah ja, taha kanuhun sahou tiri mwan ma badih rayah ja, taha katikisiy lau rayah ja, taha kamekes mwasin ki tiri, ma taha badeh, sawasai.

Jemis 3:17 Referans Kwoze

Jemis 3:15

Iri budon hawe tanan doh badeh, bado kandrah bame andri bwe. Iri lakou doh badeh, badu kon munyak le amwenen. Iri asahan ta ndrine taha ndra-in bwena, ma balik in bwena ta aliy.

La-ukei ta Pol atorou ili tiri lau badu kon Rom 12:9

Ou badeh, leheya kandriyen ta tikisiy ki handru. Ou ruwani kandriyen ndra-in ta balik; ya ou tawi kandriyen mwasin kihis.

Jemis 1:17

Iri lakou hawe ndramas mwasin labai mari badeh, marakon badu kandrah eme andri. Ya, tama taha Kindrei badeh, mesekei lomadan marakon badu kandrah, iy le amwenen badeh, suni iri lakou marakon mwasin doh eme andri tataha. Iy badeh, mwasin labai ma iy batobolowe kandriyen tan bala bame bwe, buku ari lakou, an bwidi malawi iri asahan, an anya ya tobolowe malawi iri lakou a lawe ano a mo-on ja. Arile Kindrei badeh, batobolowe iy bala bame bwe, iy ta udu le buku doh.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

1 Jon 3:18

Aha naduk ta nyara Kindrei, aha sasehek anya, “Jo aso-ok iri nadu tine ari ja ta Kindrei.” Ma aha abudon anya, idoh le winiyan ai. Bwe, taha kadeu iri lakou ta aseben manyah tiri kudu mwasin ale. Ma na le kandriyen doh, taha winiyan leheya i tiri i buku none taha aso-ok iri handru.

1 Pita 1:22

Ya na idah, aha ndranuhun sahou handru nyala Krais, ma iy ndramani iri kandriyen ndra-in taha mari, ma aha ndrasahan lau ha-un. Ma iy ndramesekei aha ndraso-ok ndramak ari ja ta Kindrei. Aha badeh, kaso-ok ndramak ari ja na budon hawe ndrine aha handru na len mari.

Metiu 5:8

“Sekesek handru i toro lau ala budon ma kandriyen toro udu mwasin, ya idah kameh oro atou Kindrei.

1 Jon 3:3

Eme ma iri lau mwan ma badih ale atondrok Krais ta eme hamon ja, iri badeh, winiyan bala bolo ndraka-an ja bwe, tasah iri atondrok bada iri ma budon tiri udu mwasin, buku le kandriyen ta Krais.

Tarou ta Luk 21:15

Jo le kameh edeu sahou hawe budon mwasin ewek tado, ya iri lau kameh winiyan bandres ma tebelese budon nane jo edeu ewek tado ta atiye bwe. Ma winiyan babisini sahou tado bwe.

Tarou ta Luk 6:36

Ou badeh, ki ndramak ta tikisiy, i buku none tamam Kindrei le.”

Hiburu 12:14

Aha marakon kanone ka-en hamon ta kandriyen ta lau marakon kamanyah kare le se. Ma aha kabadok ta an hamon ta kandriyen mwasin ta are mada Kindrei. Buku aha bamekes bwe eh, aha kameh winiyan banyolom Laban bwe.

2 Timoti 2:24

Arile, are lau handru amekes gok ta Laban, iy badeh, sasahan ndramak ta tebelese hawe iri lau rayah ja. Iy badeh, kamekes kandriyen mwasin kili tiri lau. Iy ale kasahan ndramak ta leheya, ma iy samekes bundruwe losen sala tiri lau, ma iy kasahan ndramak ta udu le udu.

1 Pita 2:1

Aha ndrasahan ha-un ja na ndraye Jises Krais, eme ma aha karuwani iri kandriyen ndra-in. Aha sawasai, ma aha samekes kandriyen ndra-in sala ta ndramak ari ja. Mada aha salikis lakou ta ndramak ari ja, ma aha sasehek ndramak ari ja. Aha karuwani kandriyen ndra-in mari doh ki-iu.

Jemis 2:4

Buku aha amekes kandriyen i buku doh ta bokoro-ei i ndramak nane tan ari lakou bwe, badeh, aha ndrabwidi kandriyen ndra-in kabwe. Idoh i buku aha ndralebelei iri lau ta Kindrei rayah na budon ndra-in taha. Aha badeh, babudon anya iri ale buku aha, ma aha amekes kandriyen mwasin i buku doh i tiri, bwe. Aha le amwenen badeh, aleben aha ta anuhun sahou tiri, ma idoh badeh, bamwenen bwe.

Hiburu 12:11

Len ta adeu maha-an eme tataha ta batanau taha, taha basekesek bwe. Ndrine taha atona maha-an labai. Arile, len ta batanau taha marakon ndrano, taha kameh amekes kandriyen mwasin handru ta mada Kindrei, ma ndrine taha kameh udu mwasin.

Kolosi 1:10

Aru amekes salom doh, ta aha winiyan adek buku iri mwan ma badih handru ta Laban, ma iy kameh aso-ok iri kandriyen taha marakon. Ma aha kameh winiyan amekes iri gok mwasin. Eme ma, aha kameh winiyan atanan Kindrei amwenen.

La-ukei ta Pol atorou ili tiri lau badu kon Rom 15:14

Aha nadu tine, budon tek ndrabadok ta aha amwenen badeh, ndradah handru na kandriyen mwasin. Ma aha ndradah na tanan aha mene ndrakuhiy, ma eme winiyan sebenei aha ta leheya ma hawe batanau aha ari ari.

1 Korin 12:8

Taha lau rayah badeh, winiya asehek sahou ta budon. Ya iri rayah ja winiya asehek sahou ta tanan, arile iri ndramas marakon doh badu mine Malawin Ndrabun le ari.

Jemis 4:8

Aha badeh, kala mirihik handru ta Kindrei, ya iy kameh eme mirihik handru taha. Aha lau mwan ma badih ta lomondra ndra-in ma ta karei, kandriyen taha badeh, kasahan mwasin i buku ndramak sikine minen asahan ha-un ja. Buku budon taha i lundra, baden eh, aha karuwani budon ndra-in nane udu ndrine aha badeh, ki-iu ai.

1 Timoti 5:21

Udu mada Kindrei ma hawe udu mada Jises hawe iri angelo ndrabun badeh, jo tiye sahou boto-on dah i tam, ta ou badeh, a-en hamon ta sahou batanau dah. Ma ou abudon kamwenen, ou sala mwasin ta ndramak mwasin tam le, ndri-iy. Ou badeh, a mwasin ta ndramak ndra-in ale, i buku le ndramak mwasin tam. I buku none ou manyah anuhun sahou turu, ou areu le alih turu, ta aseben uru ari ari. Ma budon doh badeh, kudu bolo lahou tam mari ou amekes.

Aposel 11:24

Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

Metiu 23:28

Ado a buku aliy adeh. Iri lau atou bada ado, iri anya ado mwasin. Arile bolo oda ado kodo-oh irek ta sahou wasai ma kandriyen ta ba-en hamon ta sahou batanau bwe.”

1 Tesalonaika 2:7

Arile, aso mene are hawe aha, aso badeh, manyah amunum le. Aso are le buku badih isus nadun oro.

Pilipai 4:8

Eme ya ado nadu tine badu hawek ta budon handru. Ta sendrehendreh ta aliy, iri lakou doh ado katawiy kihis: Iri lakou ndra handru le, kandriyen mwasin ta amekes iri lau kasekesek, ma kaseben bolo manyah tiri in hamon ta sahou randra le, ma hawe lakou mwasin kameh iri lau asehek ta aliy. Iri lakou doh badeh, ado kabudon ta aliy solo-an.

Pilipai 1:11

Ya, i buku none ado adah na kandriyen mwasin ta Kindrei, i san ta Jises Krais aseben ado, idah kameh iri lau anyolom ma iri atudun Kindrei ta aliy.

Aposel 9:36

Ya udu kon Jopa badeh, badih ari nyaran Tabita (i boho Grik badeh, aloh iy Dokas). Iy badeh, badih ari ta in hamon ta Kindrei. Eme na len mari, iy amekes kandriyen mwasin i tiri lau, ma iy aseben iri lau, tiri lakou bwe.

Tarou ta Jon 1:47

Jises anyolom Nataniyel edek ales eme hawen. Iy eme asehek, “Iy ndramak eme dah badeh, iy ndramak ari handru badu Isra-el, iy tanan wendreya bwe!”

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Taitus 3:2

Oro saluhe ndra-in sala tiri lau, ma oro sasobobo. Arile, oro kaseken seken tiri lau ari ari kudu bwena ta budon toro. Ma oro kaleheya kandriyen ta satudun oro le ki ta lau mari.

Taitus 1:15

Ya kati tanan handru i buku doh: I buku none tekedek ta lau udu mwasin ta mada Kindrei, sasah lau beleben badeh, winiyan badai iy bwe, idoh badeh, ndra mwasin le. Arile, i buku none tekedek ta lau bamwenen ta mada Kindrei bwe, ma hawe iri batehei budon handru ba-en tan bwe; iri beleben sasah, arile idoh badeh, bamesekei iri bamwenen ta mada Kindrei bwe le. Ma laba tinan ta aliy badeh, budon toro bala mwasin ja bwe. Oro bala tana oro ndra-in udu heh bwe, hawe oro bala tana oro mwasin udu heh bwe. Eme sasah ndra-in oro amekes badeh, oro batona anya idoh ndra-in bwe. Oro anya ndra mwasin le ai.

La-ukei ta Pol atorou ili tiri lau badu kon Rom 12:18

Ou samekes losen sala ta ari ndramak, ndri-iy; arile i buku winiyan eh, ou manyah amunum le ado hawe iri.

Epesus 5:9

Sun ta Kindrei badeh, udu hawe aha, ma iy amekes iri kandriyen mwasin, iri kandriyen amwenen, ma kandriyen ta sahou handru asahan eme lewan. Aha badeh, ka-en hamon tiri kandriyen doh.

2 Korin 10:1

Jo Pol, jo ndramak nane iri lau rayah taha asehek nyalak anya, “Pol kede-eh, iy inoh buku iy asehek sahou udu hawe taha, arile iy ja winiya banoh ta asehek sahou boto-on eme tataha ja bwe, buku iy iu ili len.” Ya, aha kanuhun! Krais badeh, batudun nyaran amwenen bwe, iy ta amekes le kandriyen mwasin. Eme ma, ta katin doh le, jo anya kandremenya aha:

2 Korin 9:10

Kindrei amwenen kameh edeu buwa kei ta atah ili tiri mwan ma badih. Ma iy ale kameh edeu nyamon ili niri mwan ma badih mara-ei. Eme ma iy kameh edeu taha lakou ili le winiya aha. Ma aha winiyan adeu ili tiri lau ta Kindrei rayah ja. Ma kandriyen taha kameh asahan mwasin mara-ei, i buku ndramak atah buwa kei, ano ato-ou salin solo-an labai.

Metiu 5:9

“Sekesek handru i toro lau ala abadok ta amekes kandriyen mwasin ta mondrei, ya idah kameh iri aloh oro nadu Kindrei.

2 Korin 6:6

Ahi leheya iri mwan ma badih buku ahi badeh, lohowan ta Kindrei ta idoh: Ahi badeh, a-en hamon ta kandriyen, ari lakou winiyan basahan ta aliy bwe, ma ahi tanan ta sahou mwasin ta Laban. Ndrine ahi winiyan bato-ou ta losen suwi bwe. Ahi abo gok ta amekes kawas hawe iri mwan ma badih, ma Malawin Ndrabun badeh, aseben ahi ta amekes iri lakou doh. Ma ahi ale badeh, amekes iri kandriyen handru ta aso-ok iri mwan ma badih. Na boho ahi laleyah bwe, ahi aseben iri handru.

2 Korin 7:11

Aha kanyolom saba lakou handru Kindrei amekes ta maha-an taha! Iy leheyani kandriyen mwasin ewek taha. Ma iy andrekei aha suwi, suwi, ma aha abo gok boto-on handru ta amekes mondrei ta sahou doh, ma leheya ahi buku, aha ari kandriyen ndra-in ja bwe. Eme ma, aha ato-ou ala ma tebelese hawe iy ndramak nane amekes ndra-in. Aha abwerei labai, kora-on maha-an kasahan ja. Ndrine aha badeh, eden labai ta anyolom ahi, ma aha abudon boto-on labai ta aseben iy ndramak nane amekes ndra-in ewek taha akohok budon mwasin ja. Kandriyen taha leheya ahi buku, nyala aha i le randra, eme ma, iri lau winiyan bato-en aha ta ari lakou bwe.

Jemis 2:13

Tasah, i buku ari mwan o badih, iy batikisi iri lau rayah ja bwe, udu bada len Kindrei atehei iy ere ta mada sahou, idah kameh Kindrei winiyan batikisi iy bwe le. Arile, are mwan o badih, iy abudon iri mwan ma badih rayah ja, ma amekes kandriyen mwasin ili tiri, iy amwenen kameh winiyan eme len ta mada sahou. Tasah, kandriyen ta tikisiy badeh, udu bwele-en labai ja, ta kandriyen ta adeu maha-an i la-u ndramak.

1 Pita 2:18

Aha bonyo-ou ma lau ta gok, aha ka-en bahandra iri lau an bwena ta atondrok aha, ma aha kanuhun sahou ma kanoh iri. Aha kamekes ki buku doh ki tiri, buku none iri amekes mwasin ewek taha, o, iri amekes ndra-in, ma a-um aha ale.