Jemis 3:15 - Nyindrou

¹⁵ Iri budon hawe tanan doh badeh, bado kandrah bame andri bwe. Iri lakou doh badeh, badu kon munyak le amwenen. Iri asahan ta ndrine taha ndra-in bwena, ma balik in bwena ta aliy.

Jemis 3:15 Referans Kwoze

Jemis 3:17

Arile, iri tanan ma lakou mara-ei mwasin taha akohok badeh, udu kandrah eme leheya taha kamekes kandriyen mwasin ki buku doh: Taha kasahan ha-un, ma taha kamekes mwasin ki ta nadu tine taha iri rayah ja, taha kanuhun sahou tiri mwan ma badih rayah ja, taha katikisiy lau rayah ja, taha kamekes mwasin ki tiri, ma taha badeh, sawasai.

Jemis 1:17

Iri lakou hawe ndramas mwasin labai mari badeh, marakon badu kandrah eme andri. Ya, tama taha Kindrei badeh, mesekei lomadan marakon badu kandrah, iy le amwenen badeh, suni iri lakou marakon mwasin doh eme andri tataha. Iy badeh, mwasin labai ma iy batobolowe kandriyen tan bala bame bwe, buku ari lakou, an bwidi malawi iri asahan, an anya ya tobolowe malawi iri lakou a lawe ano a mo-on ja. Arile Kindrei badeh, batobolowe iy bala bame bwe, iy ta udu le buku doh.

1 Korin 3:19

Tasah, iri tanan mwasin badu kon munyak dah, idoh i buku lakou laleyah le ta mada Kindrei. Buk ndrabun ndrasehek ta aliy, “Kindrei akohok iri lau ta tanan badeh, in hamon ta kandriyen ta wasai tiri le amwenen, buku le ndramak asemek bou na lolohon.” Jop 5:13

Pilipai 3:19

Eme ya sendrehendreh tiri badeh, Kindrei le kameh anuhun sahou tiri ma tiye iri ala bolo jih ta udu le buku doh. Tasah, Kindrei tiye tiri ta amekes kandriyen mwasin, arile bwai. Iri a-en hamon ta budon ndra-in ta ndrine iri ala amekes kandriyen ndra-in ta bwilima. Eme bwili iri sama ta aliy? Iri badeh, masiye iri ja ta aliy, i tiri ari ari. Budon tiri badeh, idih labai ta lakou badu munyak.

1 Korin 2:14

Are lau, Malawin Ndrabun bado hawen bwe, iy kameh winiyan bakohok iri lakou ta Malawin Ndrabun bwe. Tasah, iy abudon anya, ndramas kede-eh lakou laleyah. Eme ma, iy bala tanan lakou doh bamwenen bwe, tasah Malawin Ndrabun bado hawen ta aseben iy bwe.

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

1 Timoti 4:1

Malawin Ndrabun tiye aleu i buku doh: Na len hamon eme, lau rayah kameh ruwani budon handru tiri; ya iri kameh an hamon ta malawin ndra-in ta wasai, ma an hamon ta leheya ndra-in tiri balik.

La-ukei atorou Jut 1:19

Iri lau doh baden adeh, apwai ndrokowa aha ere aliy, iri badeh, an hamon ta budon ma tanan ta le lau badu kon munyak, ya Malawin Mwasin badeh, bado hawe iri bwe.

1 Korin 3:3

Tasah, aha an hamon ta kandriyen ndra-in ta kon munyak dah kahis. Handru, kandriyen ta ubun, ma ndrinem ibolosen ili ta nadu tinem ari ja, ma tebelese udu ndrokowa aha kahis. Eme ma kandriyen aha amekes doh, leheya i buku handru, kandriyen taha badeh, ihis kahis hawe iri lau badu kon munyak.

Tarou ta Jon 3:17

Kindrei atehei nadun eme andri bolo kon munyak ta edeu ndramak ari, ari ala ta mada sahou, bwe; iy eme ta akohok taha ado ta bolo kandriyen ndra-in ame hamon ja.

Rebelesen 12:9

Eme ma oro angelo ta Kindrei akahei iy mwak laba tinan banin ere aliy hawe oro angelo tan, ame andri kon munyak. Iy mwak laba tinan banin ere aliy doh badeh, ndra bwena labai, ma nyaran badeh, “Balik” o “Satan” Ma iy ndramak ta wendreya iri lau mwan ma badih mara-ei badu kon munyak. Oro akahei iy hawe oro angelo tan ame andri kon munyak.

Rebelesen 9:11

Kabin tiri udu aliy ta atondrok iri badeh, angelo ari udu mwena ta mana munu lek nane doh. Ili boho iri Hiburu badeh, iri aloh nyaran Abadon. Ya boho iri Grik badeh, iri aloh iy Apoliyon. Moson ta aliy i buku, “Ndramak ta bokoro-ei iri lakou mara-ei ano iu.”

Rebelesen 2:24

‘Arile, nadah badeh, jo anya kasehek kewek taha ado Tayataira, aha badeh, ba-en hamon ta sahou ta Jesebel bwe, ma aha ale bakohok ari tanan ta kandriyen nane iri aloh, “Udu bolo kandriyen handru ta Satan.” Na aha le badeh, jo anya kasehek ki buku doh: Jo kameh winiya badeu ari sahou batanau ta aha ka-en hamon ta aliy ja bwai. Lakou ari le doh badeh, kabwai.

2 Tesalonaika 2:9

Tasah, ndramak ta amekes kandriyen ndra-in ma ta tebelese sahou batanau kameh eme hawe boto-on ta balik le. Ma, na boto-on ta balik le, iy kameh amekes iri gok marakon boto-on ma kalem solo-an ta wendreya.

2 Korin 11:3

Arile, jo badeh, inoh. Jo abudon ta balik ibin i mwak, iy tanan mwasin labai ta kandriyen ta wendreya, ma mwena mene iy ndrawendreya Ip. Kora-on kandriyen ndra-in buku doh, kameh asahan taha, ma aha kameh alelei iri rayah wendreya aha, ma budon taha winiyan bado rasi bwe, ma aha kameh mani Krais mara-ei.

1 Korin 1:27

Arile Kindrei badeh, andrei oro lau ta laleyah le badu kon munyak ame atehei iri lau ta tanan labai ala ta bwilima. Iy andrei oro lau nyamu oro bwe badu kon munyak, ta atehei iri lau boto-on labai ala ta bwilima.

La-ukei ta Pol atorou ili tiri lau badu kon Rom 1:22

Eme iri anya iri lau ta budon, arile bwe, iri a lolo-ou le gwek.

Aposel 13:10

“Ou badeh, nadu balik amwenen, ma ou badeh, baseken kandriyen mwasin mari bwe! Ou adah labai na kandriyen ta wasai ta balik. Ya, ma saba len kameh ou aruwe ta tobolowe sahou handru ta Laban kasahan wasai?

Tarou ta Jon 8:44

Tama aha balik, aha nadun, aha amekes lakou an hamon ta iri lakou iy aso-ok. Udu ndra bada katin eme, iy ta idi lau. Iy bwalen sahou handru, tasah iy tanan ta asehek sahou handru bwe. Iy ta wendreya, ma iy aso-ok ta asehek sahou ta wendreya. Iy badeh, tine wendreya udu tan.

Tarou ta Luk 16:8

“Eme ndramak tan lakou solo-an nane dah, masiye lohowan tan. Tasah, iy badeh, anyolom bohon ili bwena, ta bolo manyah tan. Idoh badeh, leheya iri lau badu munyak dah badeh, iri tanan mwasin labai ta atondrok lakou tiri. Iri badeh, sakalau iri lau badu lomadan ta Kindrei.