Jemis 3:14 - Nyindrou

¹⁴ Arile, buku aha abudon ta totowa budon ndra-in taha ili tiri mwan ma badih rayah ja, ya len mara-ei aha abo gok ta a-en hamon ta san ndra-in ta atudun nyara aha amwenen ta udu bwele-e iri rayah ja, aha ta wendreya ma kandriyen taha badeh, bokoro-ei sahou handru ta Laban. Aha samekes kandriyen doh ndri-iy.

Jemis 3:14 Referans Kwoze

Jemis 3:16

Aha kanuhun! Are lau ale ta lomondra ndra-in ma ta ndrakok udu tiri, iri lau doh badeh, ta amekes lakou laleyah ma ta amekes kandriyen ndra-in.

1 Korin 13:4

Are ndramak iy aso-ok ndramak ari, ari, badeh, iy ta atondrok le ai; iy amekes kandriyen mwasin labai ta aseben ndramak ari, ari; iy ta madalikis ma lomondra ndra-in bwe, iy winiyan batudun nyaran bwe; ma iy winiyan balim aden bwe.

Pilipai 2:3

Ado samekes kandriyen ta ndrakok ta aseben ado le, ma satudun ado ta aliy. Ma hawe ado satudun le anya, ado ndra ari ai. Arile, ado kamasiye iri, ya bale ado kamani ado.

1 Korin 3:3

Tasah, aha an hamon ta kandriyen ndra-in ta kon munyak dah kahis. Handru, kandriyen ta ubun, ma ndrinem ibolosen ili ta nadu tinem ari ja, ma tebelese udu ndrokowa aha kahis. Eme ma kandriyen aha amekes doh, leheya i buku handru, kandriyen taha badeh, ihis kahis hawe iri lau badu kon munyak.

La-ukei ta Pol atorou ili tiri lau badu kon Rom 13:13

Ma eme taha katondrok tekedek tataha kudu mwasin i buku none lau manyah ado bolo an na len; sala buku none taha ka-un gwa boto-on ma bwidi batu taha asahan lolo-ou, ya taha asehek sahou laleyah, ma amekes karei ma madasarah, ma samekes bahun hawe samekes madalakis sala ta ndramak ari ari, ndri-iy.

2 Korin 12:20

Tasah, jo inoh sese, ma jo abudon i buku doh, kora-on jo kewek ma katawei aha bala buku ndramak nane jo anya kanyolom ja bwe. Ma kora-on aha ale anya kanyolom jo bala buku ndramak nane aha anya kanyolom. Kora-on jo katou iri kandriyen solo-an doh udu ndrokowa aha. Idoh kandriyen ta tebelese sahou, ma kandriyen ta ndrinem irih i tiri lau rayah ja, ma kandriyen ta amekes lakou laleyah, buku aluhe, sondrokonya, batun boto-on, ma kandriyen ta bolowa lakou laleyah.

Pilipai 1:15

Eme handru labai, oro lau rayah ta Kindrei atou jo asehek sahou ta nyala Krais, ma mada oro alikis jo. Eme oro anya kakohok ndrahunek kado bwena ja. Arile, oro lau rayah ndrine oro mwasin, oro atiye sahou ta nyala Krais le ai.

Jemis 5:19

Aha nadu tine mwan ma badih ta Kindrei, buku ari taha iy ndraruwani sahou handru ta Kindrei, ya iy ndrataku ndrala bolo iri kandriyen ndra-in, ya ari tataha badeh, kandrei iy keme hamon ja, nadu tine taha nane doh badeh, amekes kandriyen mwasin labai mara-ei ta akohok iy eme hamon ja.

Aposel 5:17

Ano, tinan tiri pris hawe oro lau badu hawen, oro badu hawe oro Sadusi, mada oro alikis oro aposel, tasah iri mwan ma badih mara-ei badeh, sekesek labai ta gok toro aposel.

Taitus 3:3

Na len ndra-au bwena mene, taha ale i buku aliy. Taha badeh, bale taha bwe. Taha banuhun sahou bwe, ma taha atehei budon tataha i ta sahou wasai. Bolo manyah tataha badeh, ta amekes bada taha sekesek ta kandriyen ndra-in le. Eme taha mene amekes kandriyen ndra-in na len mari. Ma taha ale badeh, mada taha alikis ta lakou tiri lau, ya taha aseken. Ma idoh amekes budon tiri lau badeh, andra-i eme tataha, ma hawe amekes budon tataha andra-i i ta ndramak ari ari.

1 Korin 5:2

Ya, buku sah handru, aha anya aha le ai? Aha kanuhun! Bwili aha kama, ma aha kaden ta iri kandriyen ndra-in doh, ma aha katikahei iy ndramak nane amekes iri kandriyen ndra-in udu bolo aha badeh, kedek ki-iu.

La-ukei ta Pol atorou ili tiri lau badu kon Rom 2:8

Arile, iri lau rayah ja aseken le budon tiri le, ma iri baseken sahou handru bwe, ya iri an hamon ta kandriyen ndra-in, iri kameh bwese maha-an hawe losen ta Kindrei.

Galesiya 6:13

Handru, iri asan ku-i iri; arile iri ba-en hamon handru ta batanau malen bwe. Ya iri anya, aha kasan ku-i aha, ta amekes anya iri le ai, tasah aha badeh, ndra-en hamon ta budon tiri.

Galesiya 5:26

Taha sabudon anya taha ndra ari ai, bwe. Ma taha sasakalau ndramak ari ari, ma hawe mada taha salikis ndramak ari ja.

Galesiya 5:21

Iri kandriyen i buku madalakis ta lakou, ma hawe a-un gwa boto-on ta amekes lau abo lolo-ou, ma ta amekes lakou laleyah. Jo tiye sahou batanau i taha dah, i buku bwena jo ndrasehek taha: Oro are lau amekes kandriyen doh, winiyan bado bahandra tondrok ta Kindrei bwe.

Galesiya 5:15

Arile, i buku none aha anya ka buku mwi amekes isi i tiri ari ari, bale aha kudu aliy. Idah kameh aha bokoro-ei ndrokowa aha, ma aha andra-i mara-ei.

1 Korin 5:6

Aha atudun nyara aha amwenen, eme ma kandriyen doh bamwenen bwe. Sebwe aha tanan sahou sokek doh, “Nadu kono-o yis sese le winiyan bwidi jabi ramen mara-ei apus eme loken.” Yis doh leheya kandriyen ndra-in.

La-ukei ta Pol atorou ili tiri lau badu kon Rom 2:17

Ou badeh, anya ou ndra ari ai, ta atudun Kindrei, tasah ou badeh, Juwis, ma ou tanam batanau malen mari.

La-ukei ta Pol atorou ili tiri lau badu kon Rom 1:29

Eme iri badeh, ndradah ta kandriyen ndra-in mari. Iri adah na kandriyen ta aseken lakou tiri rayah. Iri amekes budon ta amekes isi i tiri lau. Iri amekes madalakis i tiri lau, iri andra-i i la-u iri lau, ma adai iri lau amak. Iri sokolowa ta katehei budon tiri ki ta lakou handru bwe. Iri bahana sahou ndra-in asehek i tiri lau. Iri asehek sahou ta wasai tiri lau udu ndranye lau mari.

Aposel 26:9

“Aha kanyolom! Bwena mene jo amwenen badeh, ales boto-on labai ta amekes iri gok solo-an, solo-an ta sa-en hamon ta sahou ta Jises badu Nasaret doh.

Aposel 13:45

Eme iri Juwis anyolom iri lau solo-an labai ame badeh, ma mada iri alikis ma bwidi iri asehek sahou ndra-in labai i bada sahou ta Pol nane asehek.

Tarou ta Jon 16:2

Iri kameh tikahei aha au ala manan ta asiu ta atukum tiri Juwis. Ano ma len asahan ta are lau iy idi aha amak, abudon anya, iri amekes gok doh ta atudun nyara Kindrei.

Metiu 27:18

Pailat asehek buku doh, tasah iy tanan, ndrine iri ndra-in ta Jises, ma iri tiyani iy eme mada sahou.

Jenesis 37:11

Eme nadu tinen oro badeh mada oro badeh alikis tan, arile taman tawiy udu budon tan.

Aposel 7:9

“Eme nadu tine Josep oro ma ronoh ari badeh, mada oro alikis iy, ma oro atehei iy i ta sisih i buku bonyo-ou ili Ijip. Arile, Kindrei udu hawen,

Galesiya 5:20

kandriyen ta adeu budon i ta sukumada kei i nyara Kindrei, ya kandriyen ta kau hawe omor lau; ya kandriyen ta budon ndra-in ta losen hawe sobobo; ya hawe kandriyen ta madalakis; hawe ndramak ndrinen ndra, ma hawe kandriyen ta ndrakok. Ya kandriyen ta amekes iri lau atalan, rayah ka len, ya rayah ka len;

1 Timoti 2:4

Tasah, iy aseken lau mari samak ma lau katanan sahou handru.

Jemis 1:18

Na budon tan le amwenen, iy bwidi taha asahan nadun na sahou tan handru, ma iy asahan tama taha. Handru, iy atehei sahou tan eme tataha, eme ma taha atehei budon tataha mara-ei in le tan. Iy amekes i buku doh, ta taha kare bwele-e lakou marakon iy ndramesekei.

Jenesis 38:9

Arile Onan badeh tanan, i dah kameh nah kameh bala lundriyen bwe; eme i buku none len mari iy amadin udu nadu tinen kameh gwa tan iu leleya bada munyak. Ya i dah kameh basahan nah nadu nadu tinen bwe.