Jemis 2:5 - Nyindrou

⁵ Aha nadu tine mwan ma badih, aha kanuhun. Kindrei badeh, ndralebelei iri lau, tiri lakou bwe badu kon munyak badeh, ta iri kameh are mwasin labai ta budon handru in ta Kindrei. I buku le Kindrei bwena mene ndratandrakan i buku doh, iri mwan ma badih doh atehei budon tiri in tan handru ma aseken iy labai, iy kameh bwidi iri asahan lau tan, ma iy atondrok iri.

Jemis 2:5 Referans Kwoze

Metiu 5:3

“Sekesek handru i toro lau ala ado ndra-in ta budon ma hawe manyah toro, idah kameh Kindrei atondrok oro ma oro kameh akohok iri lakou mwasin tan.

Tarou ta Luk 6:20

Ano mada Jises anyolom oro lau tan badeh, ma iy tiye anya: “Ou are lau ou lakou bwe badeh, ou sekesek. Tasah, lakou udu baha tondrok ta Kindrei kameh, tam.

Rebelesen 2:9

Jo tanan iri maha-an ma isi badeh, ndrasahan taha, ma jo ndratanan, aha ari lakou bwe, aha badeh, ndra buku iri lau laleyah. Arile, lakou taha mari badeh, solo-an labai udu hawek. Ma jo ale tanan sahou nane iri lau rayah sondrokonya aha badeh, badu boho iri Juwis amwenen. Iri lau nane doh anya, “Ahi badeh, lau ta Kindrei handru, tasah ahi badu Juwis.” Arile bwe, iri badeh, lau ta Satan.

2 Korin 8:9

Aha ndratanan Laban tataha Jises Krais, iy tikisi taha marakon tinan labai. Ma iy tawi lakou solo-an. Arile, ta aseben taha, iy ruwani iri lakou mara-ei doh, ma iy asahan buku ndramak laleyah tan ari lakou bwe. Ma iy asahan buku nadu nyohan, ta aseben aha akohok lakou solo-an, Kindrei anya kedeu kewek taha.

Tarou ta Luk 12:21

“Lakou i buku doh kameh asahan i tare lau, i buku iy anya katukum lakou sola sola badu munyak; arile ta mada Kindrei badeh, lakou doh, bala mwasin ta madan bwe.”

1 Pita 1:4

Eme ma taha atondrok Kindrei ta akohok taha ta ala kandrah hawen, ma akohok manyah mwasin handru. Manyah nane doh badeh, bala buku lakou badu kon munyak kameh abola o andra-i iu laleyah, bwe. Iy kameh udu kandrah, ta udu le buku don ai.

Jemis 1:12

Kindrei kameh winiyan nyosowani ou are lau, buku ou ales boto-on handru ta bwese iri maha-an. Ma iy kameh edeu kohan handru i ndramas i tiri ta udu le buku doh. Kindrei badeh, ndratandrakan ndrala tare lau nane atehei budon tiri mara-ei in tan ma aseken iy labai.

Hiburu 11:26

Moses atehei budon tan i buku doh: Buku iy andrei bwilima ta nyara Mesaya, idoh le kameh udu bwele-en labai ja ta sowa iri lakou marakon badu Ijip. Tasah, iy abudon boto-on labai ta sihinen mwasin kameh Kindrei edeu, eme iy anya kales boto-on kudu le buku doh.

Tarou ta Luk 12:32

“Ado marakou sanoh! Tama ado Kindrei badeh, sekesek tado labai, eme ado kameh atondrok lakou hawen.

1 Korin 2:9

Arile idah amwenen ta buk ndrabun ta Kindrei asehek, “Lakou mada taha banyolom bwe, ma ndranye taha banuhun bwe, ma basahan ta budon ta lau bwe le, iri lakou mwasin le badeh, Kindrei ndralokowaniy, tiri lau le aso-ok iy handru.” Aisaya 64:4

Metiu 25:34

“Ya kabin kameh tiye toro lau areu minen salin anya, ‘Ado kame, tama ndranyosowani ado. Ado kame kakohok ndrahune ado, tama ndralowosaniy kala munyak dah ma ha-un kahis le.

Rebelesen 21:7

Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri lau doh kameh akohok lakou mara-ei doh badu minek amwenen. Jo kameh asahan Kindrei tiri, ma iri asahan naduk.

Jemis 1:9

Iri lau mwan ma badih ta Kindrei, buku iri, tiri lakou bwe, iri badeh, kasekesek, tasah udu budon ta Kindrei badeh, nyara iri tinan labai.

2 Timoti 4:8

Ya, ndramas ari udu aliy abe-en jo. Ndramas doh i buku barak ari ta kandriyen mwasin labai jo ndramekes ta bolo nyorei. Laban badeh, anuhun sahou ta lau amwenen labai, ma udu ta len ta sahou, iy kameh edeu barak doh eme tek, ma i tare lau ja nane atehei budon tiri in ta anyolom iy eme hamon ja.

2 Korin 6:10

Ahi badeh, atona maha-an solo-an labai, arile idoh kameh winiyan basani sekesek tahi bwe. Ahi bateu lakou solo-an badu kon munyak dah bwe, arile ahi adeu lakou ili tiri mwan ma badih ta aseben budon tiri handru kabadok. Ya, ahi badeh, bateu ari lakou bado mine ahi ja bwe. Ahi badeh, tawi iri lakou solo-an labai badu kon ta Kindrei.

Rebelesen 3:18

Eme ma, jo anya kedeu sahou dah kewek taha. Aha mara-ei badeh, kame le hawek kasih bek nyikilikin tek. Jih badeh, ndrasulumwi lakou marakon udu bwele-en ndra-au, ma bwidiy ndra nyikilikin mara-ei. Ma aha kameh asahan nadu batun. Ya, aha kame kasih taha kolau belen ta tubuloh bada aha, ma iri mwan ma badih winiyan banyolom bada aha ndrakane ja bwe. Ma mwasin ale, ta aha kame hawek kasih rayah ndrelekei tek, ta adeu i mada aha, ta aha kanyolom kon ja. Ma aha winiyan atanan, buku aha badeh, bateu lakou handru ta Kindrei bwe. Ma aha kameh winiyan anyolom aha are buku sah handru.

1 Timoti 6:18

Ou batanau oro ta oro badeh, kadih na kandriyen mwasin hawe kandriyen ta anyohan lakou i tiri lau ari ari.

Tarou ta Luk 16:25

“Arile, Abraham anya, ‘Naduk, ou none lomondra ou mene ado awas se. Ou badeh, mene akohok lakou mwasin, ya Lasarus mene badeh, anyidiu lakou ndra-in. Arile, na dah, iy manyah udu mwasin ai, ya ou ado ta sisi-in ai.

Metiu 11:5

Iri lau mada iri bwe, iri atou kon ja, iri kati iri ndra-in iri adek ja, iri lau lepra udu bada iri, iri asahan amwenen, ma iri ndranye iri bwe, iri anuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe.

2 Pita 1:11

Ma hawe ado kameh, Laban Jises Krais, ndramak ta aseben taha kameh sekesek tado laba tinan labai udu baha tondrok tan, udu le buku doh.

2 Timoti 4:18

Eme ma, jo tanan Kindrei kameh tolowei jo ta iri lakou marakon ndra-in iri lau dah anya kamekes keme tek, ma iy kameh andrei jo ili bolo tondrok tan udu kandrah. Ya, taha badeh, katudun nyaran kudu le buku doh. Handru!

2 Tesalonaika 1:5

Ya, ta kandriyen mwasin, ale aha amekes udu bolo iri lau ndra-in ta amekes kandriyen ndra-in laleyah ewek taha, Kindrei badeh, leheya taha i buku doh: Iy badeh, seleya taha mwan ma badih badu kon munyak na le kandriyen mwasin. Aha bwese sisi-in doh, ta aseben iri lau mwan ma badih, ta Kindrei winiyan atondrok iri, ma Kindrei ale kameh winiyan atehei aha ta ala ado bolo iri lau mwan ma badih nane, iy amwenen atondrok iri.

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

La-ukei ta Pol atorou ili tiri lau badu kon Rom 8:17

Ya, i buku none taha ndrasahan nadun, idah kameh, taha akohok nyosowan mwasin tan udu hawe iri lau tan. Ma idah kameh, taha ma hawe Krais kameh atondrok lakou mene Kindrei atehei udu mine Krais, arile taha ma mwena kabwese maha-an ma isi, iri lau kamekes keme tataha op, ano kameh Kindrei edeu manyah mwasin eme tataha i le buku manyah mwasin ta Krais.

Tarou ta Luk 16:22

“Ano, Lasarus imek ya iri angelo badu kandrah ame andrei iy ili manyah udu ka-u Abraham. Ano ndramak tan lakou solo-an ale imek, ya eme iri ahi iy.

Jemis 1:16

Ado mwan ma badih ta Kindrei badu hawek handru, kora-on ado katawi iri kandriyen ta wasai badeh, kawendreyani ado.

1 Tesalonaika 2:12

Aso badeh, anya kariu budon taha, ma kamekes ndrine aha kabadok, ma kasehek sahou boto-on kewek taha buku doh: Aha kadek kamwenen, ma ka-en hamon ta kandriyen Kindrei aso-ok aha kamekes, tasah iy amwenen winiyan luhi aha ala hawe iri lau tan are bolo lomada sun, ma aha kameh are bolo tondrok tan mwasin udu kandrah.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.

2 Korin 4:15

Iri lakou ndra-in doh mene asahan tahi ta aseben aha. Udu hamon, so-ok ma tikisiy ta Kindrei andrei iri mwan ma badih solo-an labai ame hamon ja, iri kameh winiyan adeu wurah amwenen ili ta Kindrei, ma iri winiyan atudun nyaran.

Tarou ta Jon 7:48

Ya, ado ndranyolom, iri Parasi ma iri pris badeh, batehei budon tiri handru bala tan bwe.

Tarou ta Luk 22:29

I buku none tama le edeu boto-on dah, eme tek ta atondrok, ya na dah jo kameh edeu ewek tado atondrok i le buku aliy.

Tarou ta Mak 7:14

Eme Jises aloh iri lau mwan ma badih a hawen ja, ya eme iy tiye tiri i buku doh, “Aha mari kanuhun jo, ma aha kabudon kamwenen.

Aposel 7:2

Ya, eme Stiben asumon anya, “Wurah lomada ado nadu tine, ma hawe ado tama, ado kanuhun jo! Kindrei badu bolo lomadan mene asahan hawe tubu taha Abraham na len iy mene manyah udu Mesopotemiya mwena, ano iy barala baramanyah barado Haran.

Jemis 1:19

Ya aha badeh, kabudon kamwenen! Aha nadu tine mwan ma badih tek handru, aha katehei ndranye aha suwi ta anuhun sahou. Arile, aha sabobo-ap ta amekes sahou. Ma ndrine aha ale satowodau ta losen suwi.